جرم
باپ نےبیٹی کا سر تن سے جدا کر دیا
بھارت: باپ نے تیز دھار آلے سے اپنی بیٹی کا سرتن سے جدا کر دیا ، جس کے بعد پولیس نے فوری کارروائی کرتے ہوئے ملزم کو گرفتار کر لیا ہے۔
برطانوی میڈیا کے مطابق بھارت کی شمالی ریاست اتر پردیش سے تعلق رکھنے والے شہری سریش کمار کو پولیس نے اس وقت گرفتار کیا جب وہ اپنی بیٹی کا تن سے جدا سر لیکر پولیس اسٹیشن پہنچا۔
بھارتی پولیس کے مطابق ملزم سریش کمار پولیس اسٹیشن کے باہر چلا رہا تھا کہ وہ اپنی 17 سالہ بیٹی اور اس کے عاشق کے ناجائز تعلقات پر خوش نہیں تھا۔جس کی وجہ سےملزم نے اپنی جواں سالہ بیٹی کو موت کے گھاٹ اتار دیا۔
ملزم نے بتایا کہ میں نے اپنی بیٹی کو گھر میں اکیلا پایا تو اسے کمرے میں بند کیا اور پھر تیز دھار آلے کی مدد سے اس کا سر تن سے جدا کر دیا۔ پولیس کا کہنا ہے کہ ملزم سریش کمار کو گرفتار کر کے واقعے کی تحقیقات شروع کر دی ہے۔
تجارت
ملک میں معاشی استحکام کیلئے اصلاحاتی ایجنڈے پر گامزن ہیں، وزیر خزانہ
آئی ایم ایف سمیت مالیاتی اداروں سے مثبت بات چیت چل رہی ہے، محمد اورنگزیب
وزیر خزانہ محمد اورنگزیب کا کہنا ہے کہ ملک میں معاشی استحکام کیلئے اصلاحاتی ایجنڈے پر گامزن ہیں۔ ہماری توجہ ٹیکس نیٹ بڑھانے پر مرکوز ہے۔ اخراجات میں کمی لانے کیلئے اقدامات کر رہے ہیں۔
چینی ٹی وی کو انٹرویو میں وزیر خزانہ نے کہا کہ آئی ایم ایف سمیت مالیاتی اداروں سے مثبت بات چیت چل رہی ہے۔ مختلف عالمی اداروں سے مل کر متعدد منصوبوں پر کام کررہے ہیں۔ چین نے ہمیشہ پاکستان کا مکمل ساتھ دیا۔
انہوں نے کہا کہ سی پیک کے دوسرے فیز کے تحت پاکستان میں خصوصی اکنامک زونز قائم ہونے ہیں اور اس کے ذریعے چین کے قرضوں کی ادائیگی ہوگی، یہ اسی طرح ہونا تھا۔
محمد اورنگزیب نے کہا کہ ہم چین کے مشکور ہیں کہ اس نے قرضوں کو رول اور کیا۔
انہوں نے کہا کہ پاکستان موسمیاتی تبدیلی سے سب سے زیادہ متاثر ہوا، چین نے ہمیشہ پاکستان کی ترقی میں بھرپور کردار ادا کیا ہے، سی پیک چین کی طرف سے شاندار اور مثالی منصوبہ ہے۔
علاقائی
سنی اتحاد کونسل کے غیر قانونی جلسہ کے انعقاد پر مقدمہ درج، شیر افضل مروت نامزد
جلسہ میں ریاست مخالف بیانیہ بنا کر لوگوں کو اشتعال دلانے کی کوشش کی گئی، ایف آئی آر
قصور میں تھانہ کھڈیاں پولیس نے سنی اتحاد کونسل کی طرف سے غیر قانونی جلسہ کے انعقاد پر مقدمہ درج کر لیا گیا۔
مقدمہ میں سنی اتحاد کونسل کے شیر افضل مروت اور سردار محمد حسین ڈوگر سمیت 16 رہنمائوں کو نامزد کیا گیا۔
ایف آئی آر کے متن کے مطابق جلسہ میں ریاست مخالف بیانیہ بنا کر لوگوں کو اشتعال دلانے کی کوشش کی گئی ہے۔
متن کے مطابق سنی اتحاد کونسل کے رہنمائوں نے اسلحہ کی نمائش کرتے ہوئے الیکشن کمیشن کے کوڈ آف کنڈکٹ اور دفعہ 144 کی خلاف ورزی کی۔
پاکستان
جوڈیشل کمپلیکس کیس میں اعظم سواتی کی ضمانت میں توثیق
کیا آپ کو اعظم سواتی کی تحویل کی ضرورت ہے؟، جج کا تفتیشی افسر سے استفسار
اسلام آباد: انسداد دہشت گردی کی عدالت (اے ٹی سی) نے جوڈیشل کمپلیکس میں توڑ پھوڑ کیس میں پاکستان تحریک انصاف (پی ٹی آئی) کے رہنما اعظم سواتی کی ضمانت میں توثیق کردی۔
تفصیلات کے مطابق جج طاہر عباس سپرا نے کیس کی سماعت کی۔ تفتیشی افسر عدالت میں پیش ہوئے۔
سماعت کے دوران طاہر عباس سپرا نے تفتیشی افسر سے استفسار کیا کہ ملزم گاڑی سے باہر آیا ہے یا نہیں؟ جس پر تفتیشی افسر نے بتایا اعظم سواتی گاڑی میں موجود تھے تاہم فوٹیج میں کہیں نظر نہیں آئے۔
جج نے استفسار کیا کہ کیا آپ کو اعظم سواتی کی تحویل کی ضرورت ہے؟ تاہم تفتیشی افسر نے اس سے انکار کر دیا۔
بعد ازاں عدالت نے مقدمے میں اعظم سواتی کی ضمانت کی توثیق کردی۔
-
علاقائی 15 گھنٹے پہلے
دارلحکومت کے تجارتی مرکز میں آتشزدگی
-
تجارت ایک دن پہلے
نان اور روٹی کی کم قیمت قبول نہیں ، نان بائی ایسوسی ایشن کا احتجاج
-
کھیل ایک دن پہلے
پاکستان اور نیوزی لینڈ کے درمیان ٹی ٹوئنٹی کا پہلا میچ بارش کے باعث منسوخ
-
دنیا ایک دن پہلے
امریکہ نے ایران پر بڑی پابندی عائد کردی
-
پاکستان 20 گھنٹے پہلے
ایرانی صدر کی سکیورٹی ٹیم پاکستان پہنچ گئی
-
تجارت ایک دن پہلے
عالمی منڈی میں پیٹرول کی قیمت میں کمی واقع
-
پاکستان ایک دن پہلے
سابق پی ٹی آئی رہنما یاسمین راشد کی طبیعت ناساز
-
دنیا ایک دن پہلے
شیخ محمد بن زید النہیان کا حالیہ بارشوں سے متاثر ہونے والے خاندانوں کی فوری امداد کا حکم