تفریح
ایلین (خلائی مخلوق) نے 50 بار اغوا کیا ، خاتون کابڑا دعوی
کئی مرتبہ لوگوں نے ایلین یو ایف او دیکھنے کا دعوی کیا ہے ، لیکن ابھی تک اس کا کوئی ثبوت نہیں مل پایا۔ خلائی مخلوق دنیا میں ہوتے ہیں یا نہیں ، اس کو لے کر لمبے عرصے سے طویل بحث چلی آرہی ہے۔
مقامی میڈیا کے مطابق برطانوی شہری پالا اسمتھ جس کی عمر 50 سال ہے نے دعوی کیا ہے کہ انہیں خلائی مخلوق50 سے زائد بار اغوا کرچکے ہیں۔ان کا کہنا ہے کہ اغوا کرنے کے بعد ایلین یو ایف او میں لے جاکر انہیں دوسری دنیا کی سیرکراتے ہیں ۔
پالا اسمتھ نے انکشاف کیا ہے کہ خلائی مخلوق انہیں بچپن سے لیکر اب تک 50 بار اغوا کر چکی ہے۔خاتون نے اپنے جسم پر کئی نشانات بھی دکھائے ہیں ان کا کہنا ہے کہ جب خلائی مخلوق انہیں اغوا کرتے ہیں تو ایک خاص قسم کا نشان ان کے جسم پر بناتے ہیں اور اس نشان کا ان کی دنیا میں خاص مطلب ہوتا ہے۔
پالا استمھ کے گھر والوں نے بھی اس بات کی تصدیق کی ہے کہ پالا اچانک چار سے پانچ گھنٹوں کے لئے گھر سے غائب ہوجاتی ہے اور اچانک ہی واپس آجاتی ہے۔ پالا کا کہنا ہے کہ وہ اس دوران یو ایف او میں ایلینز(خلائی مخلوق ) کے ساتھ رہتی ہیں ، جو انہیں وہ تکنیک دکھاتے ہیں جو ابھی زمین پر موجود نہیں ہے۔ ایلین اسے سمندر اور آسمان کا رنگ بدلتے ہوئے دکھاتے ہیں۔
پالا اسمتھ نے ایک پینٹنگ بھی بنائی ہے ، جس میں اس نے دکھایا ہے کہ اصل میں جو ایلین اس کو لے جاتے ہیں وہ کیسے نظر آتے ہیں ؟۔
پالااسمتھ نے دعوی کیا ہے کہ اغوا کرنے کے بعد اسے ایسی دوا دی جاتی ہے جس سے وہ چاہتے ہوئے بھی بھاگ نہیں پاتیں اور اس سے کافی کمزوری بھی ہوجاتی ہے۔
پالا نےیہ سارا ماجرا جب لوگوں کے ساتھ شیئر کیا تو کئی لوگوں نے اسے پاگل قرار دیا، لیکن پالا کو ان لوگوں کے رویئے سے فرق نہیں پڑتا ہے۔ اس کا کہنا ہے کہ میری طرح ایسے کئی دیگر لوگ بھی ہیں ، جو ایلینز سے مل چکے ہوں گے، انہیں بھی سامنے آنا چاہئے۔
صحت
صدر مملکت آصف علی زرداری کا ملیریا کی روک تھام کیلئے اقدامات اعادہ
صدر مملکت آصف علی زرداری نے اس بیماری کے بارے میں شعور اجاگر کرنے پر بھی زور دیا
-1280x720.jpg)
اسلام آباد : صدر مملکت آصف علی زرداری نے ملیریا کی روک تھام کے لئے اجتماعی کوششوں کی ضرورت پر زور دیا ہے۔
ملیریا کے عالمی دن کے موقع پر اپنے پیغام میں انہوں نے کہا کہ پاکستان عالمی ملیریا پروگرام کے تحت نئے اقدامات نافذ کرنے کیلئے پرعزم ہے۔انہوں نے کہا کہ ان اقدامات کا مقصد ملیریا کے ہر مشتبہ کیس کی جانچ پڑتال ، تصدیق اور علاج کو معیاری بنانا ہے۔
صدر مملکت آصف علی زرداری نے اس بیماری کے بارے میں شعور اجاگر کرنے پر بھی زور دیا۔
پاکستان
حلقہ پی پی 32گجرات سے منتخب رکن پنجاب اسمبلی موسی الہی نے حلف اٹھا لیا
موسی الہی کم عمر ترین رکن اسمبلی ہیں جنہوں نے 21 اپریل کو ہونے والے ضمنی الیکشن میں سابق وزیر اعلی پنجاب پرویز الہی کو بھاری مارجن سے شکست دی
گجرات : نو منتخب رکن پنجاب اسمبلی چوہدری موسی الہی نے پنجاب اسمبلی کے رکن کا حلف اٹھا لیا۔
تفصیلات کے مطابق پی پی 32 گجرات سے رکن صوبائی اسمبلی چودھری موسی الہی نے ضمنی انتخابات میں پرویز الہی کو بھاری مارجن سے شکست دی۔
گجرات سے صوبائی اسمبلی کے حلقہ پی پی 32 سے نو منتخب رکن پنجاب اسمبلی چودھری موسی الہی نے رکن اسمبلی کا حلف اٹھا لیا ۔
موسی الہی کم عمر ترین رکن اسمبلی ہیں جنہوں نے 21 اپریل کو ہونے والے ضمنی الیکشن میں سابق وزیر اعلی پنجاب پرویز الہی کو بھاری مارجن سے شکست دی ۔ پہلی بار اسمبلی کا رکن منتخب ہونے پر چودھری موسی الہی نے اپنے حلقے کے عوام کا شکریہ ادا کرتے ہوئے کہا کہ اسمبلی میں اپنے حلقے کے عوام کے حقوق کا تحفظ اور ان کے لیے اواز اٹھاتا رہوں گا۔
دنیا
امریکہ : جامعات میں غزہ میں ہو نے والی اسرائیلی جارحیت کے خلاف مظاہرے ، طلباء گرفتار
تاہم کیلیفورنیا میں گرفتاریاں اس افراتفری کے بالکل برعکس تھیں جو آسٹن کی یونیورسٹی آف ٹیکساس میں جمعرات کو ہوئی ہیں
امریکا کی درجنوں ریاستوں میں اعلی جامعات کے طالبعلوں کا غزہ میں فلسطینیوں پر اسرائیل کے مظالم کے خلاف احتجاج یونیورسٹی آف سدرن کیلفورنیا ( یو ایس سی )سے شروع ہو کر جمعرات کو متعدد دوسری ریاستوں کی یونیورسٹیوں اور کالجز تک پھیل گیا ہے ۔
امریکی کالجوں کی بڑھتی ہوئی تعداد میں طلبا اپنے سکولوں کے متفقہ مطالبے کے ساتھ احتجاجی کیمپوں میں جمع ہو رہے ہیں،ٹیکساس پولیس نے بدھ کو یونیورسٹی آف سدرن کیلیفورنیا میں متعددطلبا مظاہرین کو گرفتار کیاہے، ٹیکساس کی ایک یونیورسٹی میں پولیس نے قانون نافذ کرنے والے اداروں اور اسرائیل-حماس جنگ کے خلاف احتجاج کرنے والوں کے درمیان تازہ ترین جھڑپوں میں درجنوں کو جارحانہ طور پر حراست میں لینے کے چند گھنٹے بعد ہی امریکا بھر میں یونیورسٹی کیمپسزمیں احتجاج کیا جا رہا ہے۔
تاہم کیلیفورنیا میں گرفتاریاں اس افراتفری کے بالکل برعکس تھیں جو آسٹن کی یونیورسٹی آف ٹیکساس میں جمعرات کو ہوئی ہیں ۔سینکڑوں مقامی اور ریاستی پولیس جن میں سے کچھ گھوڑوں پر سوار تھے اور لاٹھیاں پکڑے ہوئے تھے نے مظاہرین کو دھکیل دیا، ایک موقع پر کچھ کو سڑک پر گرا دیاگیا ۔
ریاستی محکمہ پبلک سیفٹی کے مطابق، یونیورسٹی اور ٹیکساس کے گورنر گریگ ایبٹ کے حکم پر افسران نے 34 طلبہ کو گرفتار کر لیا۔یہ طالبعلم امریکی حکومت سے اسرائیل کے ساتھ کاروبار روکنے ،عوامی سطح پر اسرائیل کے بائیکاٹ اور جنگ بندی اور اسرائیل کے خلاف پابندیاں عائد کرنے کے مطالبات کر رہے ہیں ۔کولمبیا یونیورسٹی میں جاری مظاہروں اور گزشتہ ہفتے 100 سے زائد طلبا کی گرفتاریوں سے متاثر ہو کر، میساچوسٹس سے کیلیفورنیا تک کے طلبا اب کیمپس میں سینکڑوں کی تعداد میں جمع ہو رہے ہیں، احتجاجی کیمپ لگا رہے ہیں اور اپنے مطالبات پورے ہونے تک ڈ ٹے رہنے کا عہد کر رہے ہیں۔
قانونی معاملات میں کسی کی مداخلت قبو ل نہیں کریں گے ، چیف جسٹس
وزیر خارجہ سینیٹر اسحاق ڈار نے شاعر مشرق علامہ محمد اقبال کو خراج عقیدت پیش کیا
حلقہ پی پی 32گجرات سے منتخب رکن پنجاب اسمبلی موسی الہی نے حلف اٹھا لیا
-
کھیل ایک دن پہلےمحمد رضوان اور عرفان خان نیوزی لینڈ کے خلاف جاری ٹی ٹوئنٹی سیریز سے باہر
-
تجارت ایک دن پہلےگندم کے وافر ذخائر ہونے کے باوجود اس کی درآمد کی تحقیقات کا حکم
-
تجارت ایک دن پہلےپاک ایران تجارتی حجم 10 ارب ڈالر تک بڑھانے پر اتفاق
-
پاکستان 2 دن پہلےایران کے صدر ابراہیم رئیسی لاہور کا دورہ مکمل کرنے کے بعد کراچی پہنچ گئے
-
دنیا 2 دن پہلےایران کا یورپی یونین کی جانب سےغیر قانونی پابندیاں عائد کرنے کے فیصلے پر اظہار افسوس
-
تجارت ایک دن پہلےتاجروں کا وزیر اعظم کو عمران خان سمیت پڑوسی ممالک سے تعلقات استوار کرنے کا مشورہ
-
تجارت 2 دن پہلےسونے کی فی تولہ قیمت میں 7 ہزار روپے سے زائد کی کمی
-
پاکستان 2 دن پہلےبانی پی ٹی آئی کی اہلیہ بشری بی بی کی طبیعت ناساز، بنی گالہ میں طبی معائنہ
