تفریح
ہانیہ عامر اورعاصم اظہر کی لفظی گولہ باری ، ٹوئٹر پر ٹاپ ٹرینڈ
ویب ڈیسک : پاکستان کی معروف اداکارہ ہانیہ عامر اور ان کے سابقہ دوست گلوکار عاصم اظہر کے درمیان سوشل میڈیا پر لفظی جنگ ، دونوں ٹوئٹر پر ٹاپ ٹرینڈ بن گئے ۔
تفصیلات کے مطابق معروف اداکارہ ہانیہ عامر اپنی وائرل ہونے والی ویڈیو کے بعد سے اب تک صارفین کی تنقید کی زد میں ہیں جبکہ عاصم اظہر کی معنی خیز میم والی ٹوئٹ نے ہانیہ کے مداحوں کو غصہ دلایا وہیں عاصم اظہر کے چاہنے والے بھی پیچھے نہیں ، ہانیہ اور عاصم سمیت ان کے مداح بھی ایک دوسرے پر لفظی گولہ باری کررہے ہیں۔
حال ہی میں اداکارہ ہانیہ عامر کی گلوکارعاشر وجاہت کے ساتھ ایک ویڈیو وائر ل ہوئی تھی جس کے بعد سوشل میڈیا صارفین کی جانب سےانہیں کافی تنقید کانشانہ بنایا گیا ، اس ویڈیو میں ہانیہ عاشر وجاہت اور ان کے بھائی نائل کے ساتھ ہیں ، اور وجاہت بیڈ پر کمبل اوڑھے موجود ہیں ۔ اس سارے منظر نامے کو پیش کرنے کے لئے ویڈیو کے اسکرین شاٹس بھی سوشل میڈیا پر شئیر کیے گئے ۔ تاہم مداحوں کی جانب سے شدید ردعمل آنے کے بعد ہانیہ نے ویڈیو ڈیلیٹ کردی تھی ۔
مذکورہ ویڈیو وائرل ہونے اور مداحوں کی شدید تنقید کے بعد عاصم اظہر کا بھی رد عمل سامنے آیا ، گلوکار عاصم اظہر نے ٹوئٹر پر بالی وڈ کے سینئر اداکار انوپم کھیر پر بنائی گئی مزاحیہ ویڈیو شیئر کرتے ہوئے شکر ادا کیا۔
Alhamdulillah 🙏🏽😂 pic.twitter.com/7fvfBjJ2dr
— Asim Azhar (@AsimAzharr) June 5, 2021
عاصم اظہر کےٹوئٹ پر اداکارہ ہانیہ عامر کی جانب سے سخت الفاظ میں ردّعمل دیا گیا۔ہانیہ عامر نے ٹوئٹر پر ٹوئٹ کرتے ہوئے لکھا کہ ’آپ یا تو سیلیبرٹی ہوسکتے ہیں یا تلخ ماضی۔
You can either be a celebrity or a bitter ex with no dignity.
— Hania Aamir (@realhaniahehe) June 6, 2021
یہ تنقید اور ردعمل اس وقت شدت اختیار کرگیا جب ہانیہ عامر نے انسٹاگرام پر ایک ویڈیو شیئر کی جس میں وہ اپنی دوست کے ساتھ کمرے میں اُداس بیٹھی ہیں جبکہ انکی دوست اُن کے چہرے پر مُسکراہٹ لانے کی کوشش کررہی ہیں۔ اداکارہ نے ویڈیو کے عنوان میں لکھا کہ ایک اور دن ایسی دُنیا میں زندہ ہوں جہاں دوہرے معیار کی بے گناہی پر طاقت ہے اور جہاں اختلاف رائے کے ساتھ رہنا کوئی بات نہیں ہے،جہاں اگر مرد عورت سے بدتمیزی کرنے کی کوشش کرے تو اس کی تعریف کی جاتی ہے لیکن اگر کوئی عورت ایسا کرتی ہے تو اس سے نفرت کی جاتی ہے۔
View this post on Instagram
دوسری جانب عاصم اظہر نے بھی ردعمل میں ایک انسٹاگرام اسٹوری بھی شئیر کردی ، اپنے پیغام میں عاصم اظہر نے لکھا کہ گزشتہ ڈیڑھ سال سے اُن کے حامیوں نے تنقید کا نشانہ بنایا، لوگوں نے ہر جگہ مذاق اڑایا، میں اتنے عرصے خاموشی سے سب برداشت کرتا رہا۔ اب بات یہاں تک آ پہنچی ہے کہ ایک پوسٹ سے سب کے جذبات مجروح ہوگئے ہیں، جو اصل میں کسی کے لیے تھے ہی نہیں، میں پچھلے ڈیڑھ سال سے بہت خوش ہوں، اپنے اہل خانہ کے ساتھ اچھا وقت گزار رہا ہوں اور اچھا میوزک بھی بنا رہا ہوں۔ گلوکار نے اپنی پوسٹ میں لکھا کہ اس پوسٹ کے شیئر کرنے کا مقصد کچھ لوگوں کو بتانا ضروری تھا کہ انسان کی سننے کی بھی حد ہوتی ہے، اگر آپ انسان ہیں تو میں بھی انسان ہی ہوں۔
اس پوسٹ کے بعد شوبز شخصیات کی بڑی تعداد جہاں ہانیہ کا حوصلہ بُلند کرنے کے لیے اُن کے لیے مختلف پیغام جاری کررہی ہے وہیں کچھ شخصیات عاصم اظہر کی حمایت بھی کرتے نظر آرہے ہیں ۔
علاقائی
سنی اتحاد کونسل کے غیر قانونی جلسہ کے انعقاد پر مقدمہ درج، شیر افضل مروت نامزد
جلسہ میں ریاست مخالف بیانیہ بنا کر لوگوں کو اشتعال دلانے کی کوشش کی گئی، ایف آئی آر
قصور میں تھانہ کھڈیاں پولیس نے سنی اتحاد کونسل کی طرف سے غیر قانونی جلسہ کے انعقاد پر مقدمہ درج کر لیا گیا۔
مقدمہ میں سنی اتحاد کونسل کے شیر افضل مروت اور سردار محمد حسین ڈوگر سمیت 16 رہنمائوں کو نامزد کیا گیا۔
ایف آئی آر کے متن کے مطابق جلسہ میں ریاست مخالف بیانیہ بنا کر لوگوں کو اشتعال دلانے کی کوشش کی گئی ہے۔
متن کے مطابق سنی اتحاد کونسل کے رہنمائوں نے اسلحہ کی نمائش کرتے ہوئے الیکشن کمیشن کے کوڈ آف کنڈکٹ اور دفعہ 144 کی خلاف ورزی کی۔
پاکستان
پاک چین اقتصادی، ثقافتی تعلقات بہتر ہو رہے ہیں، وزیراعظم
آج چینی زبان دنیا بھر میں رابطے کی بڑی زبان بن چکی ہے، چینی زبان کے عالمی دن کے موقع پر پیغام
وزیرِ اعظم محمد شہباز شریف نے کہا ہے کہ چین پاکستان اقتصادی راہداری کے باعث پاکستان اور چین کے درمیان معاشی اور ثقافتی تعلقات تیزی سے فروغ پا رہے ہیں ۔
وزیر اعظم آفس میڈیا ونگ کی جانب سے ہفتہ کو جاری اعلامیہ کے مطابق وزیر اعظم نے چینی زبان کے عالمی دن پر پیغام میں کہا کہ آج چینی زبان کا عالمی دن ہے جو کہ ہزاروں سال پرانی چینی ثقافت کی ترجمان زبان ہے۔
شہباز شریف نے کہا کہ اس میں کوئی شک نہیں کی آج چینی زبان دنیا بھر میں رابطے کی بڑی زبان بن چکی ہے اور اقوام متحدہ بھی چینی زبان کو رابطے کی آفیشل زبانوں میں شامل کر چکی ہے۔
انہوں نے مزید کہا کہ چین پاکستان اقتصادی راہداری کے باعث پاکستان اور چین کے درمیان معاشی اور ثقافتی تعلقات تیزی سے فروغ پا رہے ہیں۔
پاکستان میں چینی زبان سیکھنے والوں کی تعداد میں تیزی سے اضافہ ہو رہاہے جس کی بدولت دونوں ممالک کے عوام کے درمیان تعلقات کو مزید فروغ مل رہا ہے۔ انہوں نے کہا کہ پاکستان میں چینی زبان و ادب کی ترویج کے لئے سرکاری و نجی سطح پر ہر ممکن اقدامات اٹھائے جا رہے ہیں تا کہ دونوں ممالک کی عوام کے درمیان روابط مزید مستحکم ہو سکیں۔
پاکستان
عمران خان کو اقتدار سے ہٹانے کی تحریک سے سعودی عرب کا کوئی تعلق نہیں ، معاون خصوصی وزیر اعظم
معاون خصوصی وزیر اعظم طاہر اشرفی نے کہا کہ چیف آف اسٹاف کی کوششوں سے ڈالر نیچے آیا جس کی وجہ سے حج پیکج میں ایک لاکھ روپے کی کمی ہوئی ہے
لاہور: وزیراعظم کے معاون خصوصی علامہ طاہر اشرفی نے کہا کہ سعودی عرب پاکستان کا اچھا دوست ہے اور اس نے کبھی اس کے اندرونی یا سیاسی معاملات میں مداخلت نہیں کی۔
علامہ طاہر اشرفی نے پاکستان تحریک انصاف (پی ٹی آئی) کے رہنما شیر افضل مروت کے اس دعوے کو بالواسطہ مخاطب کرتے ہوئے کہا کہ ایسی افواہیں پھیلانا بند کریں کہ عمران خان کو اقتدار سے بے دخل کرنے کے پیچھے بھی سعودی عرب کا ہاتھ ہے۔
وزیر اعظم کے معاون طاہر اشرفی نے کہا کہ ایسے بیانات سعودی عرب کو ناراض کرنے کے لیے دیے گئے ، عمران خان کو اقتدار سے ہٹانے کی تحریک سے سعودی عرب کا کوئی تعلق نہیں۔
انہوں نے کہا کہ چیف آف اسٹاف کی کوششوں سے ڈالر نیچے آیا جس کی وجہ سے حج پیکج میں ایک لاکھ روپے کی کمی ہوئی ہے۔ انہوں نے مزید کہا کہ اس بار آرمی چیف کی کوششوں سے 904 کمپنیاں اپنے عازمین حج کو سعودی عرب لے جائیں گی جبکہ پرائیویٹ سکیم کے تحت جانے والے 24 ہزار عازمین سڑک کے ذریعے سعودی عرب جائیں گے۔
-
دنیا ایک دن پہلے
شیخ محمد بن زید النہیان کا حالیہ بارشوں سے متاثر ہونے والے خاندانوں کی فوری امداد کا حکم
-
تجارت ایک دن پہلے
عالمی منڈی میں پیٹرول کی قیمت میں کمی واقع
-
پاکستان 23 گھنٹے پہلے
بانی چیئرمین پی ٹی آئی عمران خان کا چیف جسٹس آف پاکستان کو خط لکھنے کا فیصلہ
-
پاکستان 20 گھنٹے پہلے
جمشید دستی اور محمد اقبال خان کی اسمبلی رکنیت معطل
-
تجارت ایک دن پہلے
نان اور روٹی کی کم قیمت قبول نہیں ، نان بائی ایسوسی ایشن کا احتجاج
-
پاکستان ایک دن پہلے
سابق پی ٹی آئی رہنما یاسمین راشد کی طبیعت ناساز
-
علاقائی 16 گھنٹے پہلے
دارلحکومت کے تجارتی مرکز میں آتشزدگی
-
تجارت 21 گھنٹے پہلے
پاکستان عالمی مالیاتی فنڈ کے ساتھ طویل مدتی مالیاتی معاہدہ کرنا چاہتا ہے ، وزیر خزانہ