جی این این سوشل

پاکستان

صنعت چلے گی تومعیشت کا پہیہ چلے گا : خسروبختیار

اسلام آباد: وفاقی وزیر صنعت و پیداوار خسرو بختیار نے کہاہے کہ صنعت چلے گی تومعیشت کا پہیہ چلے گا، انڈسٹری کا پہیہ چلنے کیلئے بجلی و گیس کی ضرورت ہے ، انڈسٹری کوبجلی اور گیس کی فراہمی کیلئے سبسڈی دیں گے۔

پر شائع ہوا

کی طرف سے

صنعت چلے گی تومعیشت کا پہیہ چلے گا : خسروبختیار
صنعت چلے گی تومعیشت کا پہیہ چلے گا : خسروبختیار

تفصیلات کے مطابق وزیرِ خزانہ شوکت ترین نے گزشتہ روز پیش کئے گئے بجٹ 22-2021ء کے حوالے سے پوسٹ بجٹ پریس کانفرنس کی، ان کے ہمراہ وفاقی وزیر صنعت و پیداوار خسرو بختیار اور مشیرِ تجارت عبدالرزاق داؤد بھی تھے۔ اس موقع پر خطاب کرتے ہوئے وفاقی وزیر صنعت و پیداوار خسرو بختیار نے کہا کہ اب ہمارا چیلنج ایس ایم ای سیکٹر ہے،  کاروباری افراد کو قرض کی سہولیات فراہم کر یں گے ۔ ان کاکہنا تھا کہ  اسپیشل اکنامک زون میں ٹرن اوورٹیکس ختم کردیا ہے، چھوٹی بڑی صنعتو ں کوفروغ دینا ہے۔ انڈسٹری چلے گی تو چھوٹے کارخانے چلیں گے، ایکسپورٹ انڈسٹری کو 7 سینٹ میں بجلی دیں گے جو 2023ء تک جاری رہے گی۔

وفاقی وزیر نے کہاکہ  کراچی معاشی حب ہے ،کراچی میں زمین بہت مہنگی ہے ، کراچی میں 1500ایکڑ کا انڈسٹریل زون بنائیں گے ، کنسٹرکشن میں گروتھ آئے گی تو اس سے منسلک انڈسٹریاں  اوپر جائیں گی ۔ انڈسٹریل گروتھ میں ہم انجینئرنگ سیکٹر پرتوجہ دے رہے ہیں۔ وزیر صنعت و پیدا وار کا یہ بھی کہنا ہے کہ خواہش ہے کہ پاکستان میں ڈیڑھ لاکھ چھوٹی گاڑیاں بنیں، مڈل کلاس کو باعزت سواری دینا چاہتے ہیں۔

 مشیرِ تجارت عبدالرزاق داؤد نے کہاکہ ٹیکسٹائل کی برآمدات 20ارب ڈالر تک پہنچانے کاہدف ہے، ہم نے جو ٹیکس کی بریکس دیئے ہیں وہ ہم ان کو ٹیکنیکل ٹیکسٹائل دے رہے ہیں ، پاکستان میں پروڈکشن بڑھے گی اور ہماری ایکسپورٹس بڑھیں گی ،انہوں نے کہاکہ  اس سال ہمارا ایکسپورٹس 25 نہیں 30 بلین ہے اگلے سال اس کو 35 پر لے جانا ہے ۔

مشیرِ تجارت کا کہنا ہے کہ فارما انڈسٹری کو مراعات دی ہیں جسے اگلے سال مزید بڑھائیں گے۔ آئندہ سال ٹیکسٹائل کی برآمدات 20 ارب ڈالر تک پہنچائیں گے، پاکستان کو برآمدات بڑھانے کی ضرورت ہے۔ادویات سازی کی برآمدات بڑھانے پر توجہ ہے۔

پاکستان

پاکستان اور ترکیہ کے درمیان معاشی،سیاسی،دفاعی تعاون بڑھے گا ،وزیر تجارت

اس موقع پر وزیر تجارت جام کمال نے کہا کہ ترکیہ ہمارا برادر ملک ہے اور ہمارےاپس میں تاریخی اور اچھے  تعلقات ہیں

پر شائع ہوا

ویب ڈیسک

کی طرف سے

پاکستان اور ترکیہ کے درمیان معاشی،سیاسی،دفاعی تعاون بڑھے گا ،وزیر تجارت

وفاقی وزیر تجارت جام کمال خان نے کہا ہے کہ پاکستان اور ترکیہ کے درمیان معاشی،سیاسی،دفاعی اور ثقافتی میدان میں تعاون بڑھانے سے ترقی کی نئی راہیں کھلیں گی۔ جمعرات کو وزارت تجارت کے جاری کردہ اعلامیہ کے مطابق وفاقی وزیر تجارت نے ان خیالات کا اظہار ترکیہ کے سفیر ڈاکٹر مہمت پیکاسی سے ملاقات میں کیا۔

انہوں نے کہا کہ دو طرفہ تجارت کو 5 ارب امریکی ڈالر تک بڑھانا کا ہدف دونوں ممالک کے رہنماؤں نے طے کیا ہوا ہے ۔

ترکیہ کے سفیر نے جام کمال خان کو وفاقی وزیر منتخب ہونے پر مبارکباد بھی دی ۔ملاقات میں دو طرفہ تعلقات پر تبادلہ خیال کیا گیا۔ ملاقات میں ڈاکٹر پیکاسی نے پاکستان اور ترکیہ کے درمیان اقتصادی اہداف حاصل کرنے کے لیے روابط بڑھانے کی اہمیت پر زور دیا۔

اس موقع پر وزیر تجارت جام کمال نے کہا کہ ترکیہ ہمارا برادر ملک ہے اور ہمارےاپس میں تاریخی اور اچھے  تعلقات ہیں۔

 

پڑھنا جاری رکھیں

دنیا

ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، آصف علی زرداری

ویلیو ایڈڈ مصنوعات کی برآمد سے قیمتی زرمبادلہ کمانے میں مدد مل سکتی ہے، صدر مملکت

پر شائع ہوا

ویب ڈیسک

کی طرف سے

ملک کے جیمز اینڈ جیولری سیکٹر کی ترقی پر توجہ دینے کی ضرورت ہے،   آصف علی زرداری

اسلام آباد: صدر مملکت آصف علی زرداری نے ملک کے جیمز اینڈ جیولری سیکٹر کی ترقی پر توجہ دینے کی ضرورت پر زور دیتے ہوئے کہا ہے کہ ویلیو ایڈڈ مصنوعات کی برآمد سے پاکستان کو قیمتی زرمبادلہ کمانے میں مدد مل سکتی ہے۔

ایوانِ صدر کے پریس ونگ کے مطابق صدر مملکت نے ان خیالات کا اظہار جمعرات کو یہاں پاکستان میں جیمز اینڈ جیولری سیکٹر کی ترقی کے حوالے سے ایوان صدر میں ہونے والے اجلاس کے دوران کیا۔ پاکستان جیمز اینڈ جیولری ڈویلپمنٹ کمپنی (پی جی جے ڈی سی) کے چیف ایگزیکٹو آفیسر محمد عالمگیر چوہدری اور سینئر سرکاری افسران نے اجلاس میں شرکت کی۔

صدر نے کہا کہ عالمی جواہرات اور زیورات کی مارکیٹ میں داخل ہونے کے لئے پاکستان کی قیمتی پتھروں کی مصنوعات کی بہتر مارکیٹنگ اور تشہیر کی ضرورت ہے۔ انہوں نے کہا کہ پاکستان کے جواہرات اور زیورات کے شعبے میں ترقی کی بڑی صلاحیت ہے، ملکی ترقی کیلئے جیمز اور جیولری کے شعبے سے بھرپور استفادہ کرنا ہوگا، جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی۔

پڑھنا جاری رکھیں

دنیا

اسرائیل کی وحشیانہ بمباری سے 212 سکول تبا ہ

فلسطینی وزارت صحت کے مطابق 7 اکتوبر سے اب تک شہید فلسطینیوں کی تعداد 32 ہزار 590 ہوگئی

پر شائع ہوا

ویب ڈیسک

کی طرف سے

اسرائیل کی وحشیانہ بمباری سے 212 سکول تبا ہ

غزہ پر اسرائیل کی مسلسل وحشیانہ بمباری میں گزشتہ سال 7 اکتوبر سے اب تک 212 سکولوں کو براہ راست نشانہ بنایاگیا۔

 اقوا م متحدہ کے بچوں کے ادارے کے مطابق سیٹلائٹس کے ذریعے لی گئی تصاویر میں دیکھا جاسکتا ہے کہ گزشتہ سال اکتوبر سے جاری تنازعے میں کم از کم ترپن سکول مکمل طور پر تباہ ہوچکے ہیں جبکہ گزشتہ ماہ کے وسط سے سکولوں پر حملوں میں نو فیصد اضافہ ہوا ہے۔

 اسرائیلی فوج نے 24 گھنٹوں میں مزید 86 فلسطینی شہید کردیے۔ 

فلسطینی وزارت صحت کے مطابق 7 اکتوبر سے اب تک شہید فلسطینیوں کی تعداد 32 ہزار 590 ہوگئی۔ 

 یاد رہے کہ فلسطینی وزارت صحت کے مطابق اسرائیلی حملوں سے7 اکتوبر سے اب تک 74 ہزار 889 فلسطینی زخمی ہوئے۔

پڑھنا جاری رکھیں

ٹرینڈنگ

Take a poll