جی این این سوشل

ٹیکنالوجی

سمارٹ فون کا استعمال کونسے مسائل کا سبب بن سکتا ہے ؟

موجودہ وقت میں موبائل فون کا استعمال کافی بڑھ گیا ہے، ایسامحسوس ہوتا ہے کہ اب موبائل فون ہمارے جسم کا ایک حصہ ہے اور ہماری عادتوں میں شامل ہے۔ ہم میں سے بہت سے لوگ موبائل فون کا استعمال کرتے ہیں جس کے فا ئدوں کیساتھ نقصانات بھی بہت ہیں۔

پر شائع ہوا

کی طرف سے

سمارٹ فون کا استعمال کونسے مسائل کا سبب بن سکتا ہے ؟
سمارٹ فون کا استعمال کونسے مسائل کا سبب بن سکتا ہے ؟

عالمی ویب سائٹ کے مطابق ایک تحقیق سے معلوم ہوا ہے کہ سمارٹ فون کا حد سے زیادہ استعمال انسانی صحت کے لئے نقصان دہ ثابت ہو سکتا ہے۔ اس حوالے سے ماہرین نے چند خطرات کی طرف اشارہ بھی کیا ہے جو کہ درج ذیل ہیں۔

فون کو مسلسل دیکھنے کی وجہ سے ایسے بہت سے گھریلو حادثات  واقع ہو رہے ہیں جیسے کہ کوئی شخص اپنے کیلئے پانی گرم کر رہا ہوں اور اس دوران کا بھی استعمال کر رہا ہے اور اصل کام سے توجہ ہٹنے سے خود پر گرم پانی ڈال لیا۔ فون کا استعمال کرتے ہوئے بعض افراد اتنا مصروف ہوجاتے ہیں کہ پاس بیٹھا بچہ اپنے والد یا والدہ سے اگر کوئی بات کر رہا ہو تو وہ اس کی بات نہ ہی سمجھ پاتے ہیں اور نہ ہی بہتر جواب دے پاتے ہیں۔  بچوں کو  ایسے نظرانداز کرنا نجی زندگی میں بہت سے مسائل جنم لے سکتے ہیں۔

بعض چینی ڈاکٹروں کا کہنا ہے کہ سمارٹ فون کو طویل وقت تک دیکھنا آنکھوں میں جلن کا سبب بن سکتا ہے۔ اسکا اگر فوری طور پر علاج نہ کیا جائے تو وہ بینائی کی کمزوری کا باعث بن سکتا ہے۔

آج کے دور میں ہر دوسرا شخص سر درد میں مبتلا ہے، لیکن کوئی بھی یہ نہیں سوچتا کہ اس درد سر کی کیا وجہ ہوسکتی ہے۔ سمارٹ فون کا زیادہ استعمال سر درد کی وجہ بھی بن سکتا ہے،  جیسے موبائل سے نقصان دہ شعاعوں کا اخراج اور فون کی تیز لائٹ کے ساتھ آنکھوں کو آرام دیے بغیر موبائل کا مسلسل استعمال کرناوغیرہ۔

بچوں میں تنہائی کی بات کی جائے تو یہ ابھی تک ثابت نہیں ہوسکا کہ موبائل فون کے استعال سے بچے تنہائی کا شکار ہوتے ہیں البتہ ابچوں میں تنہائی کی علامات پیدا ہوسکتی ہیں۔ خاص طور پر ایک بچہ جو ہر وقت کسی نہ کسی گیم کھیلنے میں لگا رہے تو وہ  الگ تھلگ رہے گا اور کسی معاشرتی یا اجتماعی کام میں شریک نہ ہوتا تو ایسے اس کی شخصیت میں منفی اثرات پیدا ہونا شروع ہوجائیں گے جیسے ضدی ہونا، چھوٹے بچوں کو مارنا اور بڑوں کی بات نہ ماننا وغیرہ۔

بہت سے لوگوں کا ماننا ہے کہ سمارٹ فون سے ان کی زندگی بری طرح متاثر ہوئی ہے۔ جیسے وہ رات کو  نو بجے سونے کا ارادہ کرتے ہیں لیکن جیسے ہی بستر پر لیٹ جاتے ہیں تو فون استعمال کرنا شروع کردیتے ہیں اور  12 یا 1 بجے سوتے ہیں جس سے ان کے روز مرہ کے معمولات پر برا اثر پڑتا ہے۔

ماہرین کا کہنا ہے کہ سمارٹ فون کا استعمال ہماری زندگی کا اہم حصہ بن گیا ہے لہٰذا اس کا استعمال ختم تو نہیں کیا جاسکتا لیکن کم ضرور کیا جاسکتا ہے۔

کھیل

 سابقہ بھارتی ٹینس اسٹار ثانیہ مرزا کی سیاست میں انٹری

میڈیا رپورٹس کے مطابق ثانیہ مرزا ممکنہ طور پر لوک سبھا انتخابات میں کانگریس کے ٹکٹ پر سیاست میں قدم رکھیں گی اور حیدرآباد سے امیدوار کے طور پر کھڑی ہوں گیں

پر شائع ہوا

ویب ڈیسک

کی طرف سے

 سابقہ بھارتی ٹینس اسٹار ثانیہ مرزا کی سیاست میں انٹری

 سابقہ بھارتی ٹینس اسٹار ثانیہ مرزا ممکنہ طور پر بھارتی سیاست میں قدم رکھنے کے لیے تیار ہیں۔ کانگریس پارٹیر ہندوستانی ٹینس اسٹار ثانیہ مرزا کو آئندہ لوک سبھا انتخابات میں حیدرآباد سے الیکشن لڑانے پر غور کررہی ہے ۔
بھارتی میڈیا رپورٹس کے مطابق سابق بھارتی کرکٹ کپتان اور کانگریس رہنما محمد اظہر الدین نے آئندہ انتخابات کے لیے سابقہ بھارتی ٹینس اسٹار ثانیہ مرزا کا نام بطور امیدوار تجویز کیا ہے۔

میڈیا رپورٹس کے مطابق ثانیہ مرزا ممکنہ طور پر لوک سبھا انتخابات میں کانگریس کے ٹکٹ پر سیاست میں قدم رکھیں گی اور حیدرآباد سے امیدوار کے طور پر کھڑی ہوںگی۔

بھارتی میڈیا رپورٹ کے مطابق گزشتہ روز کانگریس سنٹرل الیکشن کمیٹی (سی ای سی) نے چار ریاستوں گوا، تلنگانہ، یوپی اور جھارکھنڈ سے اپنے 18 امیدواروں کے ناموں کی منظوری کے لیے اجلاس منعقد کیا تھا ۔

اجلاس میں ثانیہ مرزا کا نام بھی زیر غور لایا گیا۔ اظہر الدین ثانیہ مرزا کی بہن انعم مرزا کےسسر ہیں (اظہرالدین کے بیٹے محمد اسد الدین انعم کے شوہر ہیں ۔یاد رہے کہ کانگریس جماعت حیدرآباد سے آخری بار 1980 میں رکن پارلیمنٹ کی نشست پر انتخابات جیتنے میں کامیاب ہوئی تھی۔

پڑھنا جاری رکھیں

دنیا

سعودی عرب کا 17 واں طیارہ یوکرینی متاثرین کےلیے امداد لے کر پولینڈ پہنچ گیا

60 ٹن امدادی سامان میں جنریٹر اور بجلی کا سامان بھی شامل ہے

پر شائع ہوا

ویب ڈیسک

کی طرف سے

سعودی عرب کا 17 واں طیارہ یوکرینی متاثرین کےلیے امداد لے کر پولینڈ پہنچ گیا

سعودی عرب کے شاہ سلمان مرکز برائے امداد وانسانی خدمات کے تحت 17 واں طیارہ یوکرینی متاثرین کےلیے امداد لے کر پولینڈ پہنچ گیا۔

ایس پی اے کے مطابق یوکرین کی سرحد کے قریب پولینڈ کے ایئرپورٹ پر اترنے والے طیارے میں 60 ٹن امدادی سامان موجود ہےجس میں جنریٹر اور بجلی کا سامان بھی شامل ہے۔

پڑھنا جاری رکھیں

پاکستان

آئی ایم ایف کے ساتھ بڑے پروگرام کی طرف جا رہے ہیں، وفاقی وزیر خزانہ

واشنگٹن میں جلد آئی ایم ایف حکام سے ملاقات ہوگی، محمد اورنگزیب

پر شائع ہوا

ویب ڈیسک

کی طرف سے

آئی ایم ایف کے ساتھ بڑے پروگرام کی طرف جا رہے ہیں، وفاقی وزیر خزانہ

وفاقی وزیر خزانہ محمد اورنگزیب نے کہا ہے کہ آئی ایم ایف کے بڑے پروگرام میں شامل ہورہے ہیں، واشنگٹن میں جلد آئی ایم ایف حکام سےملاقات ہوگی۔

پاکستان اسٹاک ایکس چینج میں تقریب سے خطاب میں محمد اورنگزیب نے کہا کہ نگراں حکومت نے معیشت کی بہتری کیلئے اقدامات کئے، بہترمعاشی پالیسیوں کی بدولت معیشت مستحکم ہوگی۔ مہنگائی کی شرح میں بتدریج کمی آ رہی ہے۔ چاول اور گندم ک اچھی پیداوار ہوئی ہے۔ 

انہوں نے کہا کہ 14 اور 15اپریل کو آئی ایم ایف کے ساتھ مذاکرات ہوں گے، آئی ایم ایف کےساتھ مائیکرو اکنامک اسٹیبلٹی کو جاری رکھیں گے۔ بجلی کی چوری کو روکنا ہے، گورننس کو بہتر اور ڈسکوز کو پرائیویٹائز کرنا ہے جس پر غور کیا جا رہا ہے۔

وزیر خزانہ نے کہا کہ پی آئی اے کی پرائیویٹائزیشن کیلئےکام کررہے ہیں۔ آئی ایم ایف سے اسٹاف لیول معاہدہ نگران حکومت کے اقدامات سے ممکن ہوا۔ بہتر معاشی پالیسیوں کی بدولت معیشت بہتر ہو گی۔ ہم نے حکومتی اخراجات کو کم کرنا ہے۔ جب تک اسپیس نہیں ملے گی ہم آگے نہیں جا سکے گے۔

محمد اورنگزیب نے کہا کہ ایف بی آر میں اصلاحات کےلئے تیزی سے کام کر رہے ہیں۔ بینکنگ سیکٹر میں بہت بہتری آئی ہے۔ بہتر معاشی پالیسیوں کی بدولت جلد معیشت مستحکم ہو گی۔ کرنٹ اکاؤنٹ کھاتہ بہتر ہے۔ ایئر پورٹس کی آؤٹ سورسنگ ایڈوانس مرحلے پر ہے۔ ہمارا ٹارگت محصولات کو بڑھانا ہے۔ ہمارے پاس چیزیں ہیں مگر ان پرعمل درآمد ہونا ہے۔

انہوں نے مزید کہا کہ ای سی سی میں ہم نے ایجنڈے پر عمل درآمد کی طرف جانا ہے۔ آئی ایم ایف کے ساتھ تفصیلی مذاکرات پاکستان آکر ہوں گے۔ حکومت نے آپریشنل اخراجات میں کمی کرنا ہے۔ جو ادارے نقصان میں ہیں ان کو نجکاری کی طرف لے کر جائیں گے۔ ٹیکس کلیکشن میں کمی ہے جس کو ٹھیک کرنا ہے۔

 

 

پڑھنا جاری رکھیں

ٹرینڈنگ

Take a poll