علاقائی
رینالہ خورد کے قریب خوفناک حادثے میں 3 افراد جاں بحق
رینالہ خورد: قومی شاہراہ پرپل جوڑیاں کے قریب کار اور ہائی ایس میں خوفناک تصادم کے نتیجے میں 3 افراد جان سے ہاتھ دھو بیٹھے ۔
تفصیلات کے مطابق قومی شاہراہ پر پل جوڑیاں کے قریب کار اور ہائی ایس میں خوفناک تصادم کے باعث کار میں سوار تین افراد جان کی بازی ہار گئے جبکہ ایک زخمی ہوا ہے ۔حادثے کی اطلاع ملنے پر ریسکیو 1122 رینالہ خورد اور اوکاڑہ کی دو ایمبولینسز فوری طور پر جائے حادثہ پر پہنچ گئیں ، ریسکیو نے زخمی کو ابتدائی طبی امداد فراہم کرتے ہوئے ڈی ایچ کیو سٹی ہسپتال پہنچا دیا ۔
ریسکیو ٹیموں نے ضروری کاروائی کرنے کے بعد نعشوں کو بھی ڈسٹرکٹ ہیڈکوارٹر ہسپتال منتقل کردیا ۔ جاں بحق ہونے والے افراد کی شناخت سرور ایڈووکیٹ لاہور ہائیکورٹ ، یونس اور اقبال کے نام سے ہوئی ہے۔
چاروں مسافر دیپال پور سے واپس لاہور جا رہے تھے کہ حادثہ پیش آیا۔
دنیا
امریکہ نے ایران پر بڑی پابندی عائد کردی
امریکہ کی وزیر خزانہ جینٹ ییلن نے بتایا کہ امریکا نے ایران کی سولہ شخصیات اوردو کمپنیوں پر پابندیاں لگائی گئیں ہیں
امریکا اور برطانیہ نے ایران کو ڈرون طیارے بنانے کے لئے انجن فراہم کرنے والی دو کمپنیوں، فوجی سامان فراہم کرنے والی چھ کمپنیوں اور کئی افراد پر نئی پابندیاں لگا دیں۔
امریکہ کی وزیر خزانہ جینٹ ییلن نے بتایا کہ امریکا نے ایران کی سولہ شخصیات اوردو کمپنیوں پر پابندیاں لگائی گئیں ہیں ۔ ان کمپنیوں نے ایران کے لئے ڈرون طیاروں کے انجن بنائے تھے۔
اسی دوران برطانیہ نے بھی سات ایرانیوں اور چھ کمپینوں پر پابندیاں لگا دی ہیں۔ لندن میں برطانوی حکام نے بتایا ہے کہ جن افراد پر پابندیاں لگائی گئیں ان کا تعلق ملڑی سامان بنانے والی صنعتوں سے ہے۔
امریکہ اور برطانیہ کی جانب سے ایران سے تعلق رکھنے والے افراد اور کمپنیوں پر حالیہ پابندیاں ایران کے اسرائیل پر درجنوں ڈرون اور سینکڑوں میزائلوں کے ساتھ حملوں کے بعد ان ممالک کی جانب سے سامنے آنی والی پہلی پابندیاں ہیں۔
پاکستان
امریکا کی طرف سے فلسطین کی رکنیت کی قرارداد ویٹو کرنے پر افسوس ہے، ترجمان دفتر خارجہ
ہم سمجھتے ہیں کہ فلسطین کو اقوام متحدہ میں شامل کرنے کا وقت آگیا ہے، ممتاز زہرہ بلوچ
پاکستان نے اقوام متحدہ کی سلامتی کونسل میں گزشتہ رات ہونے والی بحث کے نتیجے، اتفاق رائے تک نہ پہنچنے اور فلسطین کی اقوام متحدہ کی جنرل اسمبلی میں رکنیت کی سفارش کرنے میں ناکامی پر سخت مایوس کا اظہار کیا ہے۔
دفتر خارجہ کی ترجمان ممتاز زہرہ بلوچ نے پریس بریفنگ میں کہا کہ ہمیں فلسطین کو اقوام متحدہ کی مکمل رکنیت دینے والی قرارداد کے مسودے کو ویٹو کرنے کے امریکی فیصلے پر افسوس ہے۔
انہوں نے کہا کہ ہم سمجھتے ہیں کہ فلسطین کو اقوام متحدہ میں شامل کرنے کا وقت آگیا ہے، یہ 75 سال سے فلسطینی عوام کے ساتھ ہونے والی تاریخی ناانصافی کو درست کرنے کی جانب ایک قدم ہوگا اور یہ ان کے حق خود ارادیت کی تصدیق کرے گا۔
ترجمان نے کہا کہ فلسطینی عوام کو 4 جون 1967 کی سرحدوں کے اندر ایک آزاد و خودمختار اور متصل فلسطینی ریاست میں رہنے کا موروثی حق حاصل ہے جس کا دارالحکومت القدس الشریف ہو۔
تجارت
عالمی منڈی میں پیٹرول کی قیمت میں کمی واقع
پاکستان میں گزشتہ دنوں پیٹول کی قیمتیں کم ہونے کے بجائے ان کی قیمتوں میں اضافہ کیا گیا ہے
عالمی منڈی میں تیل کی قیمتوں میں کمی کا سلسلہ اب بھی جاری ہے۔
میڈیا رپورٹ کے مطابق ایران اور اسرائیل کے درمیان گزشتہ دنوں کشیدگی کے سبب سپلائی پر بڑھتے خدشات کی وجہ سے بدھ کے روز عالمی منڈی میں تیل کی قیمتوں میں کمی واقع ہوئی۔
برینٹ فیوچر کی قیمت 56 سینٹس یا 0.62 فیصد کم ہوئی جس کے بعد اس کی نئی قیمت فی بیرل 89 اعشاریہ 46 ڈالر ہوگئی جبکہ یو ایس کروڈ فیوچر 63 سینٹ، یا 0.74 فیصد گر کر 84.73 ڈالر فی بیرل پر آگیا۔
یاد رہے کہ پاکستان میں گزشتہ دنوں پیٹول کی قیمتیں کم ہونے کے بجائے ان کی قیمتوں میں اضافہ کیا گیا ہے ۔
-
پاکستان 16 گھنٹے پہلے
سابق پی ٹی آئی رہنما یاسمین راشد کی طبیعت ناساز
-
پاکستان 2 دن پہلے
وفاقی وزیرداخلہ کا ملک بھر میں اوور بلنگ میں ملوث لوگوں کے خلاف کارروائی کا حکم
-
پاکستان 2 دن پہلے
توشہ خانہ ریفرنس، نیب نے نواز شریف کو تفتیش میں کلین چٹ دے دی
-
تجارت 2 دن پہلے
ملک بھر میں سونے کی قیمت میں بڑا اضافہ
-
پاکستان 2 دن پہلے
پاک سعودیہ تعلقات کو مضبوط اقتصادی شراکت داری میں بدلنے کی ضرورت ہے، وزیر خزانہ
-
پاکستان 2 دن پہلے
دہشت گردی کے خطرے کو مستقل طور پر ختم کرنے کےلئے پر عزم ہے، آرمی چیف
-
دنیا 19 گھنٹے پہلے
اقوام متحدہ کی فلسطینیوں کیلئے امداد کی اپیل
-
تجارت ایک دن پہلے
ملک میں گندم کا وافر ذخیرہ موجود ہے، مزید خریداری کیلئے صوبوں کو خط لکھیں گے ، عطا تارڑ