وزیر اعظم انوارالحق کاکڑ متحدہ عرب امارات کے اپنے دورے کے بعدآج (منگل) کویت کادوروزہ دورہ کریں گے۔

دورے کے دوران وزیر اعظم کویت کے ولی عہد شیخ میشال الجابر الصباح اور کویت کے وزیراعظم شیخ احمد نواف الاحمد الصباح سے ملاقاتیں کریں گے۔

دورے کے دوران افرادی قوت، انفارمیشن ٹیکنالوجی، معدنیات کی تلاش، تحفظ خوراک ، توانائی اور دفاع کے شعبوں میں مفاہمت کی مختلف یادداشتوں پر دستخط کئے جائیں گے۔

پاکستان اور کویت کے درمیان چھ دہائیوں پرمحیط گہرے اور تاریخی تعلقات استوار ہیں۔

رواں سال دونوں ممالک کے درمیان سفارتی تعلقات کے قیام کو ساٹھ برس مکمل ہوئے ہیں۔

نگران وزیراعظم انوار الحق کاکڑ نے ابوظہبی میں قومی اور ثقافتی تاریخی مقام وحت الکرامہ کا دورہ کیا۔ وحت الکرامہ متحدہ عرب امارات کے ان ہیروز کی قربانیوں کی یاد میں تعمیر کیا گیا ہے جنہوں نے اپنے ملک کی خدمات میں اپنی جانیں نچھاور کیں۔

متحدہ عرب امارات پریزیڈنٹ کورٹ میں شہداء کے خاندانوں کے امور کے دفتر کے چیئرمین شیخ طیب بن محمد بن زید النہیان نے وزیراعظم کا استقبال کیا۔وزیراعظم نے گارڈ آف آنر کی پروقار تقریب میں شرکت کی۔

Caretaker Prime Minister Anwaar ul Haq Kakar visited national and cultural landmark, Wahat Al Karama in Abu Dhabi, to pay homage to the sacrifices of UAE heroes who laid down their lives in the services of their country.

The Prime Minister was welcomed by Sheikh Thayeb bin… pic.twitter.com/EVxJoHguuL

— Prime Minister's Office (@PakPMO) November 28, 2023

بعدازاں وزیراعظم نے یادگار شہداء پر پھولوں کی چادر چڑھائی۔یہ یادگار متحدہ عرب امارات کی قیادت، عوام اور بہادر فوجیوں کے درمیان اتحاد اور یکجہتی کی علامت ہے اور 31 پینلز پر مشتمل ہے۔ وزیراعظم نے وحت الکرامہ کا تفصیلی دورہ کیا جہاں انہیں یادگار کے بارے میں بریفنگ دی گئی۔

دورے کے اختتام پر وزیراعظم نے مہمانوں کی کتاب میں اپنے تاثرات نوٹ کیے، جس میں متحدہ عرب امارات کے بہادر شہداء کو خراج عقیدت پیش کیا گیا۔ 

لاہور : سندر میں نا معلوم افراد نے  نجی کالج کی بس پر فائرنگ کر دی ۔

تفصیلات کے مطابق فائرنگ سے دو طالبات زخمی ہو گئیں ، عائشہ نامی طالبہ کو سر میں گولی لگی اور اور نہایت تشویش ناک حا لت میں جنرل اسپتال منتقل کر دیا گیا ۔

ڈی آئی جی آپریشنز کا کہنا ہے کہ واقعے کی جانچ پڑتال جاری ہے ۔

لاہور سے افسوس ناک خبر آگئی!!#GNN #NewsUpdates #BreakingNews #GNN_Updates pic.twitter.com/nXs37Dzbev

— GNN (@gnnhdofficial) November 28, 2023

پولیس حکام کا کہنا ہے کہ طالبہ کے بھائی کی مدیت میں اقدام قتل کا مقدمہ درج کر دیا گیا ہے ۔

پولیس حکام کا کہنا ہے کہ ملزمان کی تلاش جاری ہے اور سی سی ٹی وی فوٹیج کی بھی مدد لی گئی ہے اور ملزمان کو جلد سے جلد گرفتار کر لیا جائے گا ۔

طالبات کی بس سیرو تفریح کے لیے پتوکی سے مری کی جانب جا رہی تھی جب واقعہ پیش آیا ۔