پاکستان
لوٹوں کو ایسی شکست دیں کہ وہ دوبارہ ایوان میں نہ آئیں: عمران خان
لاہور:سابق وزیر اعظم عمران خان نے کہا ہے کہ آپ لوگوں کو لوٹوں کو اپنے حلقوں میں شکست دینا ہوگی، لوٹے اپنے حلقوں میں کامیاب نہیں ہوں گے۔
لاہور میں ورکر کنونشن سے خطاب میں سابق وزیر اعظم عمران خان نے کہا کہ لوٹے آپ سے ووٹ لے کر اُس کا سودا کرتے ہیں ان کو آپ نے ہرگز ووٹ نہیں دینا، گھر گھر ایک ہی پیغام پہچانا ہے، لوٹوں کو ہم نے ہرانا ہے،امپائر ساتھ ہونے کے باوجود چوروں کو شکست دینی ہے۔
انہوں نے کہا کہ تحریک انصاف کے مارچ کے دوران ہمارے کارکنوں پر تشدد کیا گیا، لوٹے ضمیر بیچ کر حلقے کے عوام کی توہین کرتے ہیں، نواز اعوان آپ نے بہادری سے ان مجرموں کا مقابلہ کرنا ہے، میں آپ کے ساتھ کھڑا ہوں، پاکستان کے بہتر مستقبل کےلیے ان ڈاکوؤں کو شکست دینا بہت ضروری ہے۔
عمران خان نے کہا کہ امپورٹڈ حکومت نامنظور ہے، ہم کسی کے سامنے نہیں جھکے نہ جھُکیں گے، آپ سب نے گھر گھر جانا ہے اور لوٹوں کو شکست دینے کے لیے ووٹ لینا ہے، پولیس سے لوگوں کو ڈرایا جا رہا ہے، غنڈہ گردی کی جا رہی ہے، الیکشن کمیشن جانبدار ہے، کسی کو اس پر اعتماد نہیں،موجودہ حکومت ناجائز اور امپورٹڈ ہے،لوٹے کسی صورت اپنے حلقوں میں کامیاب نہیں ہوں گے۔
علاقائی
نگراں حکومت کی غلطیوں کی سزا کسانوں کو مل رہی ہے، ڈاکٹر یاسمین راشد
یہ کونسی جمہوریت ہے جہاں احتجاج کی اجازت نہیں ہے، رہنما پی ٹی آئی
رہنما پی ٹی آئی اور سابق صوبائی وزیر صحت ڈاکٹریاسمین راشد کاکہنا ہے کہ نگراں حکومت کی غلطیوں کی سزا کسانوں کو مل رہی ہے۔
انسداد دہشت گردی عدالت میں پیشی پر میڈیا سے غیر رسمی گفتگو کرتے ہوئے ڈاکٹر یاسمین راشد نے کہا کہ گندم بحران کے معاملے کی انکوائری ہونی چاہیے تاکہ معلوم ہو کہ غلطی کس کی ہے۔
پی ٹی آئی رہنما نے مزید کہا کہ کسان آج آدھی قیمت پر گندم فروخت کرنے پر مجبور ہے۔ کسان کی حالت زار کی مذمت کرتے ہیں۔ یہ کونسی جمہوریت ہے جہاں احتجاج کی اجازت نہیں ہے۔
ڈاکٹریاسمین راشد کاکہنا تھا کہ اپنے حق کیلئے احتجاج کرنے والے کسانوں پرپولیس کی جانب سے ظلم ڈھایا جا رہا ہے۔
پاکستان
سعودی وفد جلد پاکستان کا دورہ کرے گا ، وزیر اطلاعات
وزیراعظم نے سعودی وزراء اورمختلف مالیاتی اداروں کے حکام کے ساتھ اعلی سطح کی بارہ ملاقاتیں کیں جن میں پاکستان میں اقتصادی بحالی اور غیرملکی سرمایہ کاری لانے پر توجہ مرکوز کی گئی
اسلام آباد : اطلاعات ونشریات کے وزیر عطاء اﷲ تارڑنے کہا ہے کہ وزیراعظم محمد شہبازشریف کا سعودی عرب کا حالیہ دورہ کامیاب رہا ۔
آج (جمعرات) کواسلام آباد میں وزیرقانون وانصاف اعظم نذیر تارڑ کے ہمراہ نیوز کانفرنس کرتے ہوئے عطا تارڑ نے کہا کہ آنے والے دنوں میں سعودی عرب سے اچھی خبریں موصول ہونے والی ہیں ۔
انہوں نے کہاکہ وزیراعظم نے سعودی وزراء اورمختلف مالیاتی اداروں کے حکام کے ساتھ اعلی سطح کی بارہ ملاقاتیں کیں جن میں پاکستان میں اقتصادی بحالی اور غیرملکی سرمایہ کاری لانے پر توجہ مرکوز کی گئی ، عطاء اﷲ تارڑ نے کہاکہ وزیراعظم نے ایک ماہ کے اندر سعودی ولی عہد سے دو مرتبہ ملاقات کی۔
انہوں نے کہاکہ کاروباری افراد اورسرمایہ کاروں پر مشتمل سعودی اعلی وفد چند روز میں پاکستان کا دورہ کرے گا جس میں مختلف شعبوں میں سرمایہ کاری کیلئے جامع لائحہ عمل پر بات چیت کی جائے گی۔
یہ بھی پڑھیں :
اس موقع پر وزیر قانون اعظم نذیر تارڑ نے کہا کہ وفاقی ریونیو بورڈ میں اصلاحات متعارف کرانا حکومت کی اولین ترجیح ہے ۔
انہوں نے کہاکہ موجودہ پارلیمنٹ نے پہلی بار ٹیکس ٹربیونلز اور محصولات سے متعلق مقدمات کیلئے ایک قانون منظورکیا ہے جس سے ان مقدمات کو نمٹانے کا عمل تیز ہوگا۔
جرم
بلوچستان : دھماکے کے نتیجے میں 1 شخص جاں بحق ، 18زخمی
حکام کا کہنا ہے کہ دھماکے میں زخمی ہونے والوں کو اسپتال منتقل کر کے واقعے کی تحقیقات شروع کر دی گئی ہیں
دکی: دکی میں بارودی سرنگ کے 2 دھماکوں کے نتیجے میں ایک شخص جاں بحق جب کہ 18 افراد زخمی ہوگئے۔
تفصیلات کے مطابق پہلا دھماکا اس وقت ہوا جب بلوچستان کے ضلع دکی میں تھائی کیدر ندی میں کوئلے کا ٹرک پہلے سے رکھی کان سے ٹکرایا ۔ دوسرا دھماکہ لوگوں کے جمع ہونے کے بعد ہوا۔
حکام کا کہنا ہے کہ دھماکے میں زخمی ہونے والوں کو اسپتال منتقل کر کے واقعے کی تحقیقات شروع کر دی گئی ہیں۔
-
کھیل 2 دن پہلے
بھارت نے ٹی 20 ورلڈ کپ 2024 کےلئے 15 رکنی اسکواڈ کا اعلان کر دیا
-
پاکستان 2 دن پہلے
جو جج دباؤ برداشت نہیں کر سکتا اسے کرسی چھوڑ دینی چاہیے، جسٹس مسرت ہلالی
-
پاکستان ایک دن پہلے
حکومت کا شیر افضل مروت کو چیئرمین پی اے سی نامزد کرنے پر تحفظات کا اظہار
-
علاقائی 2 دن پہلے
نان بائی ایسوسی ایشن کا نان اور روٹیوں کی نئی قیمتوں سے متعلق ہڑتال کا اعلان
-
تجارت 9 گھنٹے پہلے
ڈالرکی قیمت میں مزید کمی ، پاکستانی روپیہ مستحکم
-
تجارت 2 دن پہلے
ایل پی جی کی قیمتوں میں کمی، اوگرا نے نوٹیفکیشن جاری کر دیا
-
جرم 8 گھنٹے پہلے
فیصل آباد کے رہائشی محمد کاظم کی دو بیویوں اور چار بچوں کوقتل کرنے کے بعد خودکشی
-
پاکستان 2 دن پہلے
عمران خان نے پبلک اکاؤنٹس کمیٹی کی سربراہی کیلئے شیر افضل مروت کا نام فائنل کر دیا