تفریح
اداکارہ نوال سعید نے کرکٹرز کی جانب سے پیغامات موصو ل ہونے کی وضاحت کردی
پاکستانی اداکارہ اور ماڈل نوال سعید نے انکشاف کیا کہ انہیں پاکستان کرکٹ ٹیم کے کھلاڑی میسجز کرتے رہے ہیں
پاکستانی اداکارہ نوال سعید نے کرکٹرز کی جانب سے پیغامات موصول ہونے کے بارے میں اپنےبیان کی وضاحت کر دی ۔
نوال سعید نے انسٹاگرام سٹور ی پر جاری پیغام میں کہا کہ ’’’’ رمضان المبارک میں ہمیں صرف بھوک ہی برداشت نہیں کرنی بلکہ ہمیں آنکھوں ، کانوں اور زبان کو بھی قابو میں رکھنا ہے ، شوکے دوران دیئے گئے میرے بیان کو سیاق و سباق سے ہٹ کر پیش کیا گیا تاکہ کچھ لائکس حاصل کیئے جا سکیں ،اس سے کسی بھی انفرادی شخصیت کی پرائیویسی اور عزت کو ٹھیس پہنچ سکتی ہے اور خاص طور پر جب لوگوں کے نام غلط فرض کیے جاتے ہیں، جن کا اس سے کوئی تعلق بھی نہیں ہوتاہے ، حالیہ شو میں کوئی نام نہیں لیا گیا ، بلکہ متنازعہ سوالات سے گریز کیا گیا، یہ ایک بہترین مثال ہے۔آپ سب پر اللہ کی رحمت ہو۔
یاد رہے کہ پاکستانی اداکارہ اور ماڈل نوال سعید نے انکشاف کیا کہ انہیں پاکستان کرکٹ ٹیم کے کھلاڑی میسجز کرتے رہے ہیں ۔
خاتون میزبان نے نوال سعید سے دلچسپ انداز میں اُن کرکٹرز کے نام پوچھنے کی کوشش کی جو اداکارہ کو مسیجز کرتے رہے ہیں تاہم انہوں نے کسی کا نام نہیں لیا۔پروگرام کے دوران نوال سعید نے کہا کہ’ایک انٹرویو میں، میں نے ایسا بتایا تھا (کہ کسی کرکٹر نے انہیں مسیجز کیے ہیں) لیکن وہ بات جھوٹ نہیں تھی۔‘اس کے علاوہ نادیہ خان کہتی ہیں کہ ’سنگل کرکٹرز کون سے ہیں جنہوں نے مسیجز کیے نوال کو، بتائیے؟‘اس پراداکارہ نے کہا کہ ’آپ کو کیوں لگتا ہے کہ سنگل (کنوارہ) ہونا ضروری ہے؟‘ شو میں شریک مہمان اداکار سید جبران نے نسیم شاہ کا نام لیا، پھر افتخار احمد کا بھی نام لیا۔اس کے بعد نادیہ خان نے شعیب ملک کا نام لیا جس پر نوال سعید سمیت سب نے قہقہہ لگایا۔
دنیا
برازیل : سیلابی بارشوں سے تباہی ، 10 افراد ہلاک
غیر ملکی ادارے کی رپورٹ کے مطابق بارش کے بعد سڑکیں تالاب بن گئی ہیں جب کہ دریاؤں اور جھیلوں میں پانی کی سطح بلند ہوگئی ہے
برازیل : جنوبی برازیل میں شدید بارشوں نے تباہی مچادی ہے ۔
تفصیلات کے مطابق جنوبی برازیل میں سیلابی بارشوں کے دوران 10 افراد ہلاک ہوگئے ہیں۔
غیر ملکی خبر رساں ادارے کے مطابق برازیل کی جنوبی ریاست ریوگرانڈی میں شدید بارشوں سے تباہی مچ گئی، 10 افراد ہلاک اور 21 افراد لاپتہ ہوگئے ہیں۔
غیر ملکی ادارے کی رپورٹ کے مطابق بارش کے بعد سڑکیں تالاب بن گئی ہیں جب کہ دریاؤں اور جھیلوں میں پانی کی سطح بلند ہوگئی ہے۔
غیر ملکی خبر رساں ادارے نے بتایا کہ بارش سے برازیل کے سو سے زائد علاقے متاثر ہوگئے ہیں جب کہ اس دوران 3400 افراد بے گھر ہوگئے ہیں۔
رپورٹ میں مزید کہا گیا ہے کہ گھروں کی چھتوں پر تقریباَ 1500 لوگ پھنسے ہوئے ہیں جنہیں نکالنے کے لیے ہیلی کاپٹرز کی مدد سے آپریشن جاری ہے۔
تجارت
ڈالرکی قیمت میں مزید کمی ، پاکستانی روپیہ مستحکم
آئی ایم سے پاکستان کیلئے 1۔1 ارب ڈالرکی قسط موصول ہونے کے بعد پاکستانی روپے کی قدر میں مزید اضافہ ہوا ہے جبکہ انٹر بینک میں ڈالرکی قیمت میں کمی دیکھی گئی ہے
امریکی ڈالر کے مقابلے میں روپے کی قدر میں جمعرات کو 01 پیسےکا اضافہ ریکارڈ کیا گیا ہے ۔
پاکستان فاریکس ایسوسی ایشن کے مطابق اوپن مارکیٹ میں امریکی ڈالر کی قیمت خرید 277.25 اور قیمت فروخت 280 روپے ریکارڈ کی گئی روپیہ کے مقابلے میں یورو کی قدر میں 15 پیسے کا اضافہ ہوا اور ایک یورو کی قیمت 298.11 روپے ریکارڈ کی گئی ۔
آئی ایم سے پاکستان کیلئے 1۔1 ارب ڈالرکی قسط موصول ہونے کے بعد پاکستانی روپے کی قدر میں مزید اضافہ ہوا ہے جبکہ انٹر بینک میں ڈالرکی قیمت میں کمی دیکھی گئی ہے ۔
انٹر بینک میں ڈالر کی قیمت میں کمی کے بعد 278.20 روپے پر آگئی ہے ۔
پاکستان
پاکستان سمیت دنیا بھر میں آج آزادئ صحافت کا دن منایا جارہا ہے
اظہار کی آزادی جمہوریت کی بنیاد، شہری حقوق کاتحفظ اور معاشرے میں سچائی کی پکار ہے، صدر ، وزیراعظم کی جانب سے خراج تحسین
پاکستان سمیت دنیا بھر میں آج آزادی صحافت کا عالمی دن منایا جا رہا ہے، صدر اور وزیر اعظم نے صحافیوں کو خراج تحسین پیش کیا۔
3 مئی کو دنیا بھر میں ہر سال آزادی صحافت کا دن منایا جاتا ہے جس کا مقصد صحافت کے بنیادی اصولوں کی موجودہ صورتحال پر اعتماد کا اظہار کرنا اور دنیا میں صحافت کی موجودہ صورتحال کی شکل کو پیش کرنا ہے۔
اس کے ساتھ ہی اس دن کو منانے کا مقصد صحافتی فرائض کے دوران قتل، زخمی یا متاثر ہونے والے صحافیوں کے ساتھ اظہار یکجہتی اور انہیں خراج عقیدت و تحسین پیش کرنا ہے۔
پاکستان میں بھی آج آزادی صحافت کا دن منانے کے لیے ریلیوں اور تقریبات کا انعقادکیا گیا ہے تاکہ اُن صحافیوں کو خراج عقیدت پیش کیا جائے جو اپنے فرائض کی انجام دہی کے دوران جان کی بازی ہار گئے۔
اپنے پیغام میں وزیر اعظم شہباز شریف نے غزہ میں شہید ہونےوالے صحافیوں کو سلام پیش کرتے ہوئے کہا کہ جبر سے لڑنا اور سچائی کو سامنے لانا ہی آزادی صحافت کے عالمی دن کا پیغام ہے، اظہار کی آزادی جمہوریت کی بنیاد، شہری حقوق کاتحفظ اور معاشرے میں سچائی کی پکار ہے۔
صدر آصف زرداری نے کہا کہ آزاد پریس عالمی اہمیت کے مسائل اجاگر کرنے کے ساتھ جعلی خبریں اور توہمات دور کرنے کیلئے ناگزیر ہے، موسمیاتی تبدیلی، گرین ٹیکنالوجی اور گلوبل وارمنگ سمیت عالمی مسائل بارے آگاہی پیدا کرنے میں میڈیا کا کردار نہایت اہم ہے۔
-
پاکستان 2 دن پہلے
پی ٹی آئی کے سوا کسی پارٹی نے آئین کے مطابق انٹرا پارٹی الیکشن نہیں کروائے، بیرسٹر گوہر
-
پاکستان 22 گھنٹے پہلے
بانی چیئرمین پی ٹی آئی نے بھی نیب کی نئی انکوائری میں طلبی کا نوٹس چیلنج کر دیا
-
تجارت 12 گھنٹے پہلے
ڈالرکی قیمت میں مزید کمی ، پاکستانی روپیہ مستحکم
-
پاکستان 2 دن پہلے
عمران خان نے پبلک اکاؤنٹس کمیٹی کی سربراہی کیلئے شیر افضل مروت کا نام فائنل کر دیا
-
پاکستان 17 گھنٹے پہلے
آصف علی زرداری پاکستان پیپلز پارٹی پارلیمنٹرین کی صدارت سےمستعفی
-
پاکستان 13 گھنٹے پہلے
سعودی وفد جلد پاکستان کا دورہ کرے گا ، وزیر اطلاعات
-
علاقائی 2 دن پہلے
نان بائی ایسوسی ایشن کا نان اور روٹیوں کی نئی قیمتوں سے متعلق ہڑتال کا اعلان
-
جرم 11 گھنٹے پہلے
فیصل آباد کے رہائشی محمد کاظم کی دو بیویوں اور چار بچوں کوقتل کرنے کے بعد خودکشی