’عمران خان کے خلاف کوئی سازش نہیں ہوگی یہ اپوزیشن اس کے ناخنوں میں ہے ‘

وزیر داخلہ شیخ رشید نے پارلیمنٹ ہاوس میں میڈیا سے گفتگو کرتے ہوئے کہا ہے کہ  عمران خان کے خلاف کوئی سازش نہیں ہوگی یہ اپوزیشن اس کے ناخنوں میں ہے،  حکومت وقت پورا کرے گی اور اگلی بار بھی آئے گی۔

شیخ رشید نے کہا کہ  سیاسی لوگوں کو تھریٹ ہے یہ ان کو سمجھ نہیں آرہی، ملک میں انتشار پھیلانے والے سیاست دانوں کو بھی نقصان پہنچا سکتے ہیں، ملک میں ہونیوالے بہت سے واقعات بھارتی لانچ ہیں۔

وزیر داخلہ  کا مزید کہنا تھا کہ ان کو آنا چاہیے یہ لوگ پکڑے گئے ہیں،  ان کے ملازموں کے ساتھ پیسہ نکلے ہیں، پاپڑ والے ملازم کے اکاؤنٹ سے اربوں روپیہ نکلا ہے۔

شہزاد اکبر کے استعفی پر صحافی  کے  سوال پر جواب  میں شیخ رشید نے کہا کہ  مجھے اس کا نہیں پتا۔