روس کو یوکرائن پر جارحیت پر بھاری خمیازہ بھگتنا پڑے گا ، جوبائیڈن

غیر ملکی خبر رساں ادارے کے مطابق امریکی صدر جوبائیڈن نے یوکرائن کی سرحد پر روسی افواج کی پیش قدمی پر برہمی کا اظہار کرتے ہوئے کہا ہے کہ روس کو یوکرائن پر جارحیت پر بھاری خمیازہ بھگتنا پڑے گا۔

امریکی صدر نے کہا ہے کہ یوکرائن پر جارحیت کی صورت میں نہ صرف روس پر معاشی، تجارتی اور سفری پابندیاں لگائیں بلکہ صدر ولادیمیر پوٹن بھی اپنی ذات پر امریکی پابندیوں کے لیے تیار ہیں۔

واضح رہے کہ  اس سے قبل امریکا ایران کے روحانی پیشوا آیت اللہ خامہ ای پر بھی پابندیاں عائد کرچکا ہے جس میں اکاؤنٹ منجمد اور سفری پابندی شامل تھی۔

دوسری جانب روس نے امریکا اور برطانیہ کے ان الزامات کو یورپی سرحد پر نیٹو افواج کی تعیناتی کا بہانہ قرار دیتے ہوئے مسترد کردیا ہے اور مغربی ممالک سے یوکرائن مسئلے میں داخلت نہ کرنے کا مطالبہ کیا ہے۔

خیال رہے کہ  روس کے ممکنہ حملے کے پیش نظر امریکا نے  مہلک ہتھیاروں کی پہلی کھیپ یوکرائن پہنچ گئی ہے۔