پشاور: کورونا کے بڑھتے وار ، 8 تعلیمی ادارے بند

جی این این کے مطابق  اس حوالے سے ضلعی انتظامیہ نے نوٹیفکیشن جاری کردیا  ۔ ضلعی انتظامیہ کاکہنا ہے کہ  کورونا کے کیسز رپورٹ ہونے کے باعث تعلیمی اداروں کو بند کیا گیا ہے ۔  فیصلے کے تحت 6 سکولز،ایک کالج اور ایک یونیورسٹی کو بند کیا گیا  ہے ۔ تعلیمی ادارے ایک ہفتے بند رہیں گے ۔

ضلعی انتظامیہ کے مطابق پولیس اور علاقہ مجسٹریٹ کو بند تعلیمی اداروں کی نگرانی کی ہدایت جاری کردی گئیں ۔ 

خیال رہے کہ خیبر پختونخوا  میں  کورونا مریضوں کی تعداد1لاکھ90ہزار578ہوگئی جبکہ 5ہزار 994 افراد جان سے ہاتھ دھو بیٹھے ۔

واضح رہے کہ پاکستان  میں کورونا کی پانچویں لہر شدت اختیار کرگئی  ہے ،  نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران 27 افراد انتقال کرگئے جبکہ 7ہزار سے زائد کیسز رپورٹ ہوئے ہیں ۔

جس کے بعد ملک میں کورونا وائرس کے کُل مریضوں کی تعداد 14 لاکھ 10ہزار033ہو چکی ہے۔

ملک میں کورونا سے اموات کی مجموعی تعداد 29 ہزار 219 ہوگئی ہے ۔ملک میں  کوروناایکٹو کیسز کی تعداد ایک لاکھ 4ہزار095 ہوگئی ۔