ایران کے سول نیوکلیئر پروگرام پر عائد امریکی پابندیاں ختم

غیر ملکی خبرر ساں ادارے کے مطابق ایک سینئر اہلکار نے بتایا ہےکہ امریکی محکمہ خارجہ   2015 کے جوہری معاہدے پر واپسی کے لیے ضروری تکنیکی اقدام کے تحت ایران کے سویلین جوہری پروگرام پر پابندیاں ختم کر رہا ہے۔

محکمہ خارجہ کے اہلکار نے کہا ہےکہ 2020 میں ڈونلڈ ٹرمپ انتظامیہ کی طرف سے ختم ہونے والی چھوٹ  کے دوبارہ آغاز  سے ویانا میں ہونے والی بات چیت میں تہران کے جوہری پروگرام کو کنٹرول کرنے سے متعلق کوئی نیا معاہدہ طے پا سکتا ہے۔

یہ چھوٹ دوسرے ممالک اور کمپنیوں کو تحفظ اور جوہری ہتھیاروں کے عدم پھیلاؤ کو فروغ دینے کے نام پر ایران کے سویلین جوہری پروگرام میں امریکی پابندیوں کو متحرک کیے بغیر شرکت کرنے کی اجازت دیتی ہے۔

سویلین پروگرام میں ایران کی افزودہ یورینیم کے بڑھتے ہوئے ذخیرے شامل ہیں۔