پیرو میں مسافر بردار طیارہ  گر کر تباہ ، 7 افراد ہلاک

غیر ملکی خبر رساں ادارے کے مطابق  جنوبی امریکی ملک پیرو کے تفریحی مقام نازکا میں ایک انجن والا چھوٹا طیارہ کیسنا 207  پرواز بھرنے کے کچھ دیر بعد ہی  ہچکولے کھاتے ہوئے زمین بوس ہوگیا،جس کے نتیجے میں  7افراد ہلاک ہوگئے ہیں۔مسافر بردار طیارہ نے  پانچ سیاحوں اور عملے کے دو ارکان کو لے کر ماریہ رچی ایئرپورٹ سے پرواز بھری تھی۔تاہم کچھ دیر بعد طیارے کا کنٹرول ٹاور سے رابطہ منقطع ہوگیا۔

عینی شاہدین کا کہنا ہے کہ  طیارے کو ایئرپورٹ سے کچھ دوری پر ہچکولے کھاتے ہوئے زمین پر گرتے دیکھا ،طیارہ زمین  بوس ہوتے ہی آگ بھڑک اٹھی۔فائر بریگیڈ کے عملے نے موقع پر پہنچ کر طیارے میں لگے آگ کو بجھایا اور ملبے سے 7 لاشیں نکالی جن میں بچے بھی شامل ہیں۔

سول ایوی ایشن نے حادثے کی تحقیقات کے لیے انکوائری کمیٹی تشکیل دیدی۔