پی ٹی آئی اور بلوچستان عوامی پارٹی کے اتحاد میں دراڑیں آنے لگیں

ذرائع کا کہنا ہے کہ پی ٹی آئی اور بلوچستان عوامی پارٹی کے اتحاد میں دراڑیں آنے لگیں،  بلوچستان عوامی پارٹی نے وفاقی حکومت  کے روئیے پر تحفظات کا اظہار کردیا۔

ذرائع کے مطابق  سب سے بڑے اتحادی ہیں مگر وفاقی کابینہ میں مناسب نمائندگی نہیں ملی، بلوچستان عوامی پارٹی کو وفاقی حکومت میں دو وزارتیں دینے کی یقین دہانی کرائی تھی۔ذرائع کا کہنا ہے کہ بی اے پی نے وفاقی وزیر، وزیر مملکت اور معاون خصوصی کے عہدے مانگ لئے۔

ذرائع بی اے پی کا کہنا ہے کہ  وفاقی حکومت اب مسلسل وعدہ خلافی کررہی ہیں، وزیراعظم کے دورہ کوئٹہ کے دوران وزیراعلی بلوچستان اپنے تحفظات سامنے رکھیں گے ، تحفظات دور نہ ہونے کی صورت میں آئندہ کا لائحہ عمل طے کرینگے۔