سابق صدر آصف  زرداری کا رحمان ملک کے انتقال پر اظہار افسوس‎ ‎

تفصیلات کے مطابق سابق صدر آصف علی زرداری نے اپنے تعزیتی پیغام میں کہا کہ مرحوم رحمان ملک محنتی اور لائق وزیر داخلہ رہے تھے،رحمان ملک کی ملک کیلئے خدمات نا قابل فراموش ہیں ۔ ‎ ‎آصف زرداری  نے  مرحوم رحمان ملک کے خاندان سے اظہار تعزیت‎ ‎کرتے  ہوئے کہا کہ پارٹی قیادت اور کارکن رحمان ملک کے خاندان کے غم میں شریک ہیں۔ انہوں نےرحمان ملک کیلئےمغفرت اور بلند درجات کیلئے دعا کی ۔ 

وزیر بلدیات سندھ ناصر حسین شاہ نے بھی رحمن ملک کے انتقال پر اظہار افسوس کرتے ہوئے  کہا کہ ہمارے دوست، بھائی، ساتھی اور ایک بہترین رہنما سینیٹر رحمٰن ملک کے انتقال کی خبر سُن کر شدید صدمہ پہنچا ہے، پروردگار ان کے درجات بلند کرے اور خاندان کے افراد کو صبر عطا کرے۔

إِنَّا لِلَّٰهِ وَإِنَّا إِلَيْهِ رَاجِعُونَ
ہمارے دوست ، بھائ ، ساتھی اور ایک بہترین رہنما سینیٹر رحمان ملک کے انتقال کی خبر سُن کر شدید صدمہ پہنچا ہے پروردگار ان کے درجات بلند کرے اور خاندان کے افراد کو صبر عطا کرے۔ آمین

— Syed Nasir Hussain Shah (@SyedNasirHShah) February 22, 2022

سیکرٹری جنرل پیپلزپارٹی نیربخاری کا پارٹی کے سینئرہنما رحمان ملک  کے انتقال پردکھ اورافسوس کا اظہار‎ ‎کرتے ہوئے کہا  کہ رحمان ملک کے انتقال کی خبرسن کردلی صدمہ ہوا، پوری پیپلز پارٹی رحمان ملک کے غم میں برابر کی شریک ہے، رحمان ملک کے انتقال سے  پیپلز پارٹی ثابت قدم راہنما سے محروم ہو گئی ہے۔ نیربخاری کا کہنا تھا کہ رحمان ملک مرحوم کی پارلیمانی سیاسی خدمات تادیر یاد رکھی جائیں گی،  ‎ ‎اللہ تبارک و تعالیٰ انکی مغفرت فرمائے اور ان کے اہل خانہ کو صبر جمیل عطا فرمائے۔