چئیرمین اوگرا نے یکم مارچ سے پٹرولیم مصنوعات کی قیمتیں بڑھنے کا عندیہ دے دیا 

تفصیلات کے مطابق  قومی اسمبلی کی قائمہ کمیٹی پٹرولیم کا اجلاس ہوا،جس میں چئیرمین اوگرا نے یکم مارچ سے پٹرولیم مصنوعات کی قیمتیں بڑھنے کا عندیہ دے دیا ہے۔

چئیرمین اوگرا مسرور خان نے کہا کہ  بارہ ہفتوں میں تیل کی جو قیمت بڑھی ہے اس کی نظیر نہیں ملتی،  ڈالر کے مقابلے میں روپے کی قدر بھی بہت کم ہوگئی ہے،  حکومت 14 روہے پٹرولیم لیوی وصول کررہی جبکہ جی ایس ٹی صفر ہے۔خزانے میں جو پیسے آنے ہیں وہ کمپرومائز ہورہے ہیں۔

چئیرمین کمیٹی نے سوال کیا کہ  روس کی صورتحال ہے اس سے کتنا فرق آئے گا جس کے جواب میں چئیرمین اوگرا نے کہا کہ  جو آج صورتحال ہے اس سے آپ اندازہ لگاسکتے ہیں ، جیسے قیمتیں بڑھیں گی اسکا بوجھ عوام پر پڑے گا، تیل قیمتوں کا فارمولا تبدیل نہیں ہوا وہ پرانا ہی ہے۔

خرم دستگیر نے سوال کیا کہ  کیا ڈیزل کی قیمتوں میں اضافے کا کوئی خدشہ ہے؟  جس پر چیئرمین اوگرا نے کہا کہ  اوسی اے سی نے اپنے خدشات کا اظہار کیا ہے، شراکت داروں کی جانب سے تشویش کا اظہار کیا گیا ہے۔