آرمی چیف سے یورپی یونین کے نمائندہ خصوصی برائے انسانی حقوق کی ملاقات، باہمی دلچسپی کے امور پر تبادلہ خیال

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ  سے یورپی یونین کے نمائندہ خصوصی برائے انسانی حقوق کی ملاقات ہوئی ہے، ملاقات میں خطے کی سکیورٹی صورتحال سمیت باہمی دلچسپی کے امور پر تبادلہ خیال کیا گیا۔

آئی ایس پی آر کا کہنا ہے کہ  ملاقات میں افغانستان کی صورتحال اور یورپی یونین کے ساتھ دوطرفہ سفارتی تعلقات پر بات چیت کی گئی، معزز مہمان نے خطے میں امن و استحکام کے لیے پاکستان کی مخلصانہ کوششوں کو سراہا ہے۔

ترجمان پاک فوج کا کہنا ہے کہ معزز مہمان نے پاکستان کے ساتھ ہر سطح پر سفارتی تعاون میں مزید بہتری کے لیے کردار ادا کرنے کا عزم کیا ہے۔

اس موقع پر آرمی چیف جنرل قمر جاوید باجوہ نے کہا  پاکستان یورپی یونین ممالک سے اپنے تعلقات کو نہایت اہمیت دیتا ہے۔پاکستان مشترکہ مفاد کی بنیاد پر باہمی طور پر فائدہ مند کثیر الملکی تعلقات کو بڑھانے کے لیے پر امید ہیں۔