اپوزیشن کی سیاسی انتشار پیدا کرنے کی کوشش قومی مفادات کے منافی ہے: وزیراعلیٰ پنجاب

تفصیلات کے مطابق وزیراعلیٰ پنجاب سردار عثمان بزدار نے کہا ہےکہ   سیاسی عدم استحکام پیدا کرنے کی کوشش کرنے والوں کو قوم کبھی معاف نہیں کرے گی،   نازک حالات میں منفی سیاست کرنے والوں کوہوش کے ناخن لینے چاہئیں ۔ 

انہوں نے کہاکہ  اپوزیشن صرف اور صرف ذاتی مفادات کی خاطر ملکی مفادات کو نقصان پہنچانے کے درپے ہے،  اپوزیشن رہنماؤں کو یاد رکھنا چاہیئے کہ دکھی انسانیت کی خدمت خالی تقریروں سے نہیں ہوتی ، اپوزیشن رہنماؤں نے ساڑھے 3 برس کے دوران صرف نعرے لگائے ۔ 

عثمان بزدار کاکہنا تھا کہ  عوام جا ن چکے ہیں کہ اپوزیشن کے پاس فلاح عامہ کا کوئی ایجنڈا نہیں ، قوم وزیراعظم عمران خان کے سا تھ ہے اور ساتھ رہے گی۔