" مداخلت کی کوشش کی تو نتائج اتنے سنگین ہوں گے"، روسی صدر پیوٹن

ماسکو:  روس کے صدر ولادیمیر پیوٹن نے خبردار کر دیا کہ اگر کسی نے روس کی فوجی کارروائی میں مداخلت کی کوشش کی تو اس کے نتائج  اس قدر سنگین ہوں گے جو پہلے کبھی کسی نے نہیں دیکھے ہوں گے ۔

 ٹی وی خطاب میں روسی صدر نے کہا کہ  یوکرینی فوج ہتھیار ڈال دے ، روس قبضہ نہیں کرنا چاہتا ، کارروائی میں  ہونے والے خون خراب کی ذمہ داری یوکرین پر عائد ہو گی ۔

واضح رہے گزشتہ شب  وزیر اعظم پاکستان عمران خان روس پہنچے ، ان کی موجودگی کے  دوران ہی روس نے یوکرین پر حملہ کر دیا ، یوکرین کا دارالحکومت کیف اور  ڈونباس ریجن دھماکوں سے گونج اٹھے ۔ روس نے کیف انٹرنیشنل ائیرپورٹ پر بھی حملہ کر دیا ہے ،  حملے کے بعد   یوکرین کی فضائی حدود بند کر دی گئیں  جبکہ ملک بھر میں مارشل لاء نافذ کر دیا گیا ۔ یوکرین کےصدر زیلنسکی کے مطابق  مارشل شلاء کا نفاذ پورے ملک پر ہوگا ۔

غیر ملکی میڈیا رپورٹس کے مطابق  یوکرین کی بلیک سی پورٹ اڈیسہ پر بھی دھماکے سنے گئے جبکہ مشرقی یوکرین کے علاقے ماریوپول بھی دھماکوں سے گونج رہا ہے ۔ کیف اور خرکیف میں ملٹری کمانڈ سینٹرز پر بھی میزائل حملے کئے گئے ہیں ۔