عالمی میڈیا کے مطابق  جنوبی ایران میں زلزلہ آنے کے باعث متحدہ عرب امارات  میں جھٹکے محسوس کیے گئے۔ غیر ملکی خبر رساں ادارے کے مطابق اماراتی وقت کے مطابق زلزلے کے جھٹکے رات 3:19 منٹ پر آئے ۔

میڈیا رپورٹس کے مطابق زلزلے سے لوگ سوتے ہوئے اُٹھ گئے ۔  زلزلہ پیما مرکز کی جانب سے زلزلے کی شدت  5.8 ریکارڈ کی گئی۔

زلزلے کا مرکز ایرانی ساحلی شہر بندر لنگہ کے قریب تھا۔

5.8 magnitude #earthquake. 57 km from Bandar-e Lengeh, #Hormozgan, Iran https://t.co/WxRzzcq4Li

— Earthquake Alerts (@QuakesToday) March 16, 2022

Today's global seismic activity level: VERY HIGH
Find out more at https://t.co/r67bJeSG4Ihttps://t.co/RhoRYGb884

— VolcanoDiscovery (@volcanodiscover) March 16, 2022

جاپان میں زلزلہ 

دوسری جانب گزشتہ روز جاپان کے مشرقی علاقے میں 7.3 شدت کے زلزلے کے فوری بعد جاری کی گئی سونامی وارننگ واپس لے لی گئی۔ رپورٹس کے مطابق زلزلے کے بعد 4 افراد کے ہلاک ہونے کی اطلاع موصول ہوئی ہے ۔

غیر ملکی میڈیا کے مطابق زلزلے کا مرکز فوکوشیما کے قریب سمندر میں 60 کلومیٹر کی گہرائی میں تھا۔

غیر ملکی میڈیا کے مطابق بجلی فراہم کرنے والی کمپنی ٹیپکو نے بتایا کہ ٹوکیو میں 7 لاکھ افراد سمیت 20 لاکھ شہری بجلی سے محروم ہو گئے ہیں۔

مذکورہ خطہ جاپان کے ان علاقوں میں شامل ہے جہاں 2011 میں 9.0 شدت کا بدترین زلزلہ اور سونامی سے تباہی آئی تھی اور اس سے جوہری بحران بھی پیدا ہوا تھا۔

یاد رہے کہ گزشتہ برس مارچ میں میاگی کے ساحل پر 7.2 شدت کا زلزلہ آنے کے بعد حکام نے سونامی کی وارننگ جاری کردی گئی تھی۔