چوہدری پرویز الہٰی نے وزیراعلیٰ پنجاب کا حلف اٹھا لیا

تفصیلات کے مطابق  ایوانِ صدر اسلام آباد میں صدر مملکت ڈاکٹر عارف علوی نے پرویز الٰہی سے حلف لیا ۔   حلف برداری کی تقریب میں فواد چودھری، پرویز خٹک، مونس الٰہی اور دیگر شریک تھے۔

چوہدری پرویز الہٰی حلف برداری کیلئے خصوصی طیارے کے ذریعے لاہور سے اسلام آباد پہنچے تھے ۔

ایوان صدر میں وزیر اعلیٰ پنجاب چوہدری پرویز الٰہی کی تقریب حلف برداری pic.twitter.com/Yg3Ne4rlEk

— Government of Punjab (@GovtofPunjabPK) July 26, 2022

اس سے قبل سپریم کورٹ کا فیصلہ آنے کے بعد گورنر پنجاب محمد بلیغ الرحمان نے چوہدری پرویز الہٰی سے وزارت اعلیٰ کا حلف لینے سے معذرت کرلی تھی جس کے بعد  پی ٹی آئی پنجاب کے رہنما میاں محمود الرشید نے  صدر مملکت ڈاکٹر عارف علوی سے رابطہ کیا تھا۔

واضح رہے کہ گزشتہ روز سپریم کورٹ آف پاکستان نے چوہدری پرویز الہٰی کی درخواست منظور کرتے ہوئے وزیرِاعلیٰ پنجاب کے انتخاب میں ڈپٹی اسپیکر پنجاب اسمبلی دوست محمد مزاری کی رولنگ کالعدم قرار دیدی تھی جبکہ پرویز الہٰی کو پنجاب کا وزیراعلیٰ قرار دیا تھا۔