خبریں آ رہی ہیں کہ ٹرن آؤٹ بہت اچھا ہے،اسد عمر

 تحریک انصاف کے جنرل سیکرٹری اسد عمر کا کہنا ہے کہ خبریں آ رہی ہیں کہ ٹرن آؤٹ بہت اچھا ہے،الیکشن نتائج کے بعد پتہ چل جائے گا کہ عوام نے غلامی سے نجات کا فیصلہ کر لیا ہے۔

ہمیں اس الیکشن کمیشن سے زیادہ امید نہیں۔ اسد عمر نے میڈیا سے گفتگو میں کہا کہ رانا ثناء اللہ نے وزیر ہوتے ہوئے الیکشن کمپین کی،الیکشن کمیشن پر لوگوں کی نظر ہے۔ 

سارے پاکستان میں عمران خان کا ووٹ ہے،یہ جتنی مرضی دھاندلی کی کوشش کر لیں عمران خان کے ووٹرز کو نہیں روک سکتے۔

آزاد اور شفاف الیکشن ہو تو 2 تہائی اکثریت سے عمران خان حکومت میں آئیں گے۔ انکا کہنا تھا کہ اسحاق ڈار اس دعویٰ سے آئے تھے کہ عوام کو ریلیف دیں گے،

آئئی ایم ایف سے انہیں ٹکا سا جواب مل گیا ہے، انہوں نے غلامی والا ہی کام کیا ہے۔ 

آئی ایم ایف نے ان پر پہلے الزام لگایا تھا کہ یہ اعدادوشمار میں ہیر پھیر کرتے ہیں،بڑے بڑے بلوں کے باوجود بجلی کی لوڈ شیڈنگ کی جا رہی ہے۔

گیس کی قیمتیں بڑھنی والی ہیں۔ملک بد سے بدترین صورتحال کی طرف جا رہا ہے،آج کے الیکشن کو حقیقی آزادی کا حصہ سمجھیں۔

دوسری جانب پاکستان تحریک انصاف کے سربراہ عمران خان نے حکومت مخالف مارچ روکنے کے لیے شرط رکھ دی۔ 

عمران خان نے کہا ہے کہ حکومت مخالف مارچ اکتوبر میں ہی ہوگا۔حکومت الیکشن کی تاریخ کا اعلان کردے تو مارچ نہیں ہوگا۔

سابق وزیراعظم عمران خان نے مزید کہا کہ میں جو پلان کر رہا ہوں اس کی منصوبہ بندی ابھی صرف مجھ تک ہی محدود ہے کیونکہ میری ہر چیز ریکارڈ ہو رہی ہے۔

قبل ازیں عمران خان نے بول نیوز کو دیے گئے انٹرویو میں کہا کہ ضمنی الیکشن کے بعد 100 فیصد لانگ مارچ ہو گا، لانگ مارچ ہوگا اور اکتوبر میں ہی ہوگا،

مجھے پتہ ہے یہ لوگ کیا کریں گے اس لیے میں نے پوری تیاری کررکھی ہے، اب ہم وہ پلاننگ کررہے ہیں کہ یہ ہمیں نہیں روک سکتے۔