این اے 108 فیصل آباد 8 : عمران خان نے عابد شیر علی کو 23 ہزار ووٹوں سے شکست دے دی

این اے 108 فیصل آباد 8 کے 353 پولنگ اسٹیشنز کے غیر سرکاری غیر حتمی نتیجے کے مطابق پاکستان تحریک انصاف کے عمران خان 93 ہزار 808 ووٹ لے کر جیت کا تاج اپنے نام کر لیا اور پاکستان مسلم لیگ ن کے عابد شیر علی نے 70ہزار 771 ووٹ حاصل کرکے دوسرے نمبر پر ہیں۔

خیال رہے کہ خیبر پختونخوا ، سندھ اور پنجاب میں قومی اسمبلی کی 8 اور صوبائی اسمبلی کی 3 نشستوں پر ضمنی انتخاب کے لیے پولنگ کا وقت ختم ہوگیا اور اس وقت گنتی کا عمل جاری ہے۔

قومی اسمبلی کے 8 اور 3 صوبائی حلقوں پر پولنگ کا آغاز صبح 8 سے ہوا جو کہ شام 5 بجے تک بلا تعطل جاری رہی۔

قومی اسمبلی کے جن حلقوں پر ضمنی انتخاب ہوا ان میں خیبر پختونخوا کے 3، کراچی کے 2 اور پنجاب کے 3 حلقے شامل ہیں جبکہ تینوں صوبائی نشستیں پنجاب اسمبلی کی ہیں۔