حکومت کے ساتھ مذاکرات میں نہیں بیٹھوں گا،عمران خان

چیئرمین پاکستان تحریک انصاف عمران خان نے کہا ہے کہ حکومت کے ساتھ مذاکرات میں نہیں بیٹھوں گا،اگرمذاکرات ہوئے توصرف الیکشن کے معاملےپرہوں گے۔

 تفصیلات کے مطابق عمران خان نے کہا ہے اگربات چیت ہوئی توپارٹی کے دیگراراکین کرینگے،جن کوچوراورکرپٹ کہتا ہوں ان کیساتھ نہیں بیٹھوں گا،اگرمذاکرات ہوئے توصرف الیکشن کے معاملےپرہوں گے،انتخابات کی طرف نہیں جاتے تومذاکرات کاکوئی فائدہ نہیں۔

اس وقت ملک کاسب سےبڑامسئلہ 90روزمیں انتخابات ہیں،میراکسی سے کوئی رابطہ نہیں،انتخابات پربات کرنے کوتیار ہوں۔عمران خان نے مزید کہا کہ مفادات کیلئے سپریم کورٹ کی تقسیم نوازشریف کی پرانی روش ہے،سپریم کورٹ کافیصلہ نہ ماننےکامطلب ملک میں آئین و قانون ختم ہوگیا۔

پوری قوم سپریم کورٹ کے ساتھ کھڑی ہوگی،ابھی انتخابات نہیں ہوئے تواکتوبر میں انتخابات کے امکانات کم ہیں۔عمران خان نے مزید کہا کہ ہمیں معلوم ہے ہمارے لوگوں کوکون لیکرگیاہے،2018 کے انتخابات میں ہماری نشستیں جان بوجھ کرکم کی گئیں تاکہ کنڑول کیا جاسکے۔