سپریم کورٹ کے جج جسٹس مظاہرعلی اکبر نقوی کیخلاف ریفرنس دائر کردیا گیا

سرکاری ٹی وی کے مطابق ریفرنس بلوچستان بارکونسل کی جانب سے سپریم جوڈیشل کونسل میں دائر کیاگیا۔

ریفرنس میں کہا گیا ہے کہ معزز جج کے حوالے سے سامنے آنے والی آڈیوز نہایت اہمیت کی حامل ہیں، آڈیوز میں جج کے سامنے کیس مقرر کرنے پر زور دینے سے جج کے وقار پر اثر ہوا۔

تمام شواہد اور حالات جج کی شہرت کو نقصان پہنچاتے ہیں ،جج کے بیٹے لاہور میں وکالت کر رہے، معززجج ا تھارٹی کا غیر قانونی استعمال کرتے ہوئے بیٹوں کی سرپرستی کر رہے ہیں۔

معزز جج کی ہی وجہ سے ان کے بیٹوں کو ہائی پروفائل مقدمات میں وکیل مقرر کیا جاتا ہے ،معززجج نے آمد ن سے زائد اثاثہ جات بھی بنا رکھے ہیں ۔

ریفرنس میں مطالبہ کیا گیا ہے عوام اور بارز کے اعتماد کیلئےمعزز جج کو عہدے سے ہٹایا جائے،آئین اور قانون کے مطابق جج کے خلاف کارروائی کی استدعا کی گئی ہے۔