یوم مئی پر ریلی ، الیکشن کمیشن کا پی ٹی آئی کو نوٹس

یوم مزدور پر ریلی نکالنے پر الیکشن کمیشن آف پاکستان نے پاکستان تحریک انصاف (پی ٹی آئی) کو نوٹس بھیج دیا۔

ڈسٹرکٹ الیکشن کمشنر نے چیئرمین تحریک انصاف عمران خان کے نام پر نوٹس بھیجا، تحریک انصاف کو ضابطہ اخلاق کی متعلقہ شقوں کی خلاف ورزی پر نوٹس جاری کیا گیا۔

نوٹس میں کہا گیا ہے کہ علم میں آیا ہے آپ کی قیادت میں لبرٹی سے ناصر باغ تک ریلی نکالی جارہی ہے، پنجاب میں 14مئی کو الیکشن شیڈول ہیں، اجازت کے بغیر ریلی نکالنا ضابطہ اخلاق کی خلاف ورزی ہے۔

الیکشن کمیشن کے نوٹس میں کہا گیا ہے کہ جلسے، جلوسوں اور ریلیوں کے لیے ضلعی انتطامیہ سے اجازت لینا ضروری ہے، سیاسی جماعتیں،امیدوارریلیوں ،جلسوں کے حوالے سے مقامی انتظامیہ کو آگاہ کرنے کے پابند ہیں۔