مکہ مکرمہ میں جعلی حج پیکج فروخت کرنے پر 3 مصری شہری گرفتار

سعودی عرب میں مکہ مکرمہ پولیس نے فرضی حج پیکیج اور جعلی حج کڑے فروخت کرنے والے تین مصری شہریوں کو گرفتار کیا ہے۔

تینوں وزٹ ویزے پر مملکت آئے ہوئے تھے۔ سوشل میڈیا کے ذریعے ہوٹل بکنگ کی مارکیٹنگ بھی کر رہے تھے۔

غیر ملکی خبر رساں ایجنسی کے مطابق مکہ مکرمہ پولیس نے بتایا کہ گرفتار شدگان کے قبضے سے نقدی بھی برآمد ہوئی ہے ۔ ابتدائی قانونی کارروائی کے بعد انہیں پبلک پراسیکیوشن کے حوالے کردیا گیا۔

مکہ پولیس نے مقامی شہریوں اور مقیم غیر ملکیوں سے اپیل کی کہ’ وہ حج قوانین و ضوابط کی پابندی کرتے رہیں اور سستے فرضی حج پیکیج کے جھانسے میں نہ آئیں