امریکی صدر جوبائیڈن نے اپنے چینی منصب شی جن پنگ کو آمرقرار دیا

امریکی وزیر خارجہ انٹونی بلینکن کے دورہ چین کے بعد امریکی صدر جوبائیڈن نے اپنے چینی منصب شی جن پنگ کو’آمر‘ قرار دیا۔

غیر ملکی خبر رساں ایجنسی کے مطابق بائیڈن نے گذشتہ ہفتے کہا تھا کہ وہ اگلے چند مہینوں میں چینی صدر شی جن پنگ سے ملنے کی امید رکھتے ہیں۔انہوں نے کہا تھا کہ چین کے رہنما فروری میں امریکا کی طرف سے مار گرائے جانے والے مبینہ جاسوس غبارے کے بارے میں تفصیلات سے آگاہ نہیں تھے۔ بائیڈن کا چینی صدر سے متعلق متنازع بیان ایک ایسے وقت میں سامنے آیا ہے جب حال ہی میں امریکی وزیر خارجہ بلینکن نے بیجنگ کا دورہ کیا تھا۔

بلینکن دُنیا کی دو بڑی معیشتوں کے درمیان تناؤ کو کم کرنے اور براہ راست تصادم سے بچنے کی کوشش میں سینیر چینی حکام سے ملاقات کے لیے گئے تھے۔ بلینکن کو بہت پہلے چین کا دورہ کرنا تھا تاہم امریکی فضا میں مبینہ چینی جاسوس غبارے کے واقعے نےان کے دورے کو موخر کر دیا تھا