الجزائر کے سابق وزیر اعظم اور وزیر صحت کو 5 سال قید کی سزا

عرب میڈیا کے مطابق ان دونوں کو بدعنوانی کے ایک مقدمے میں سیدی محمد میونسپلٹی میں اقتصادی اور مالیاتی تعزیرات کی عدالت نے سزا سنائی۔

یہ دونوں ریاست قسطنطین میں ایک نئے عالمی ہوائی اڈے کی تعمیر میں پائی جانے والی متعدد بے ضابطگیوں میں ملوث تھے۔

خبر رساں ادارے کے مطابق منصوبے کی لاگت اصل تخمینہ سے تقریباً 7 گنا تک بڑھ گئی اور اس کی تعمیر میں بھی متوقع چار کے مقابلے میں 10 سال زیادہ لگے جس سے عوامی خزانے کو بھاری رقم خرچ ہوئی۔

اسی کیس میں عدالت نے ریاست قسطنطین کے سابق گورنر طاہر ساکران اور ریاست کے سابق سیکرٹری جنرل بن یوسف عزیز کو ان کے خلاف تمام الزامات سے بری کر دیا۔

بیدوئی نے 2019ء کے مارچ سے دسمبر تک الجزائر کے وزیر اعظم کے طور پر خدمات انجام دیں، انہیں نگراں حکومت کے حصے کے طور پر مقرر کیا گیا جب الجزائر کے لوگوں نے مرحوم سابق صدر عبدالعزیز بوتفلیقہ کی برطرفی کے لیے احتجاج کیا۔

بوتفلیقہ کے مستعفی ہونے کے بعد بھی اس سال کئی ہفتوں تک مظاہرے ہوئے۔

الجزائر کے باشندوں نے بوتفلیقہ کے اندرونی حلقوں سے تنگ آکر اس وقت کے عبوری صدر عبدالقادر بن صلاح کے ساتھ بدوئی کے استعفیٰ کا مطالبہ کیا۔