تیرہ جولائی 1931 کشمیر کی تاریخ میں اہم سنگ میل کی حیثیت رکھتا ہے،امتیاز وانی

اسلام آباد: کل جماعتی حریت کانفرنس آزاد جموں کشمیرشاخ کے سیکرٹری اطلاعات امتیاز وانی نے کہا ہے کہ 13 جولائی 1931 کشمیر کی تاریخ میں اہم سنگ میل کی حیثیت رکھتا ہے، 13 جولائی کو 22 کشمیریوں نے آذان مکمل کرتے ہوئے جانیں قربان کیں۔

جمعرات کو جاری بیان میں سیکرٹری اطلاعات نے کہا کہ 13 جولائی کو کشمیریوں نے ڈوگرہ راج کےخلاف الم بغاوت بلند کیا، کشمیری عوام نے نہ ڈوگرہ راج کو قبول کیا نہ ہی بھارتی تسلط کو مانتے ہیں،کشمیریوں کی قربانیاں 13 جولائی کے شہدا کے مشن کا تسلسل ہیں۔

امتیاز وانی نے کہا کہ مقبوضہ وادی میں آج بھی مذہبی رسومات کی ادائیگی پر پابندی ہے، بھارتی فوج آئے روز کشمیری نوجوانوں کو شہید کررہی ہے،کشمیری آزادی کے مشن کی تکمیل تک جدوجہد جاری رکھیں گے۔