پی ٹی آئی رہنما افتخار درانی گرفتار

اسلام آباد: پاکستان تحریک انصاف (پی ٹی آئی) کے رہنما افتخار درانی کو مبینہ طور پر گرفتار کر لیا گیا ہے۔

میڈیا رپورٹس کے مطابق افتخار درانی کو ان کی رہائش گاہ سے اس وقت گرفتار کیا گیا جب کچھ نامعلوم افراد نارمل کپڑے پہنے آئے۔

یہ بھی بتایا گیا ہے کہ پی ٹی آئی رہنما کی گرفتاری کی وجہ تاحال سامنے نہیں آسکی۔

دوسری جانب پاکستان تحریک انصاف کے ترجمان کا کہنا ہے کہ مرکزی رہنما ڈاکٹر افتخار درانی لاپتہ ہیں، انہیں اسلام آباد سے اغوا کیا گیا ہے، پی ٹی آئی ترجمان کے مطابق افتخار درانی کے اغوا کے حوالے سے تفصیلات اکٹھی کی جا رہی ہیں۔