حق دفاع ختم کرنے کے خلاف چیئرمین پی ٹی آئی کی درخواست پر فیصلہ محفوظ

توشہ خانہ فوجداری کیس،چیئرمین پی ٹی آئی کی حقِ دفاع بحال کرنے کی درخواست پر فیصلہ محفوظ کرلیا گیا۔

تفصیلات کےمطابق اسلام آباد ہائیکورٹ کے چیف جسٹس عامر فاروق نے فیصلہ محفوظ کیا ۔چیف جسٹس اسلام آباد ہائیکورٹ نے کہا کہ ہم اس پر مناسب آرڈر جاری کریں گے۔

درخواست کی سماعت کے دوران خواجہ حارث نے کہا کہ ٹرائل کورٹ نے حق دفاع ختم کرتے ہوئے گواہ پیش کرنے کی اجازت نہیں دی،ٹرائل کورٹ نے گواہوں کو غیر متعلقہ کہا،ہم نے ٹرائل کورٹ کا وہ آرڈر چیلنج کیا ہے۔

خواجہ حارث کا کہنا تھا کہ  ہمارے گواہ ٹیکس کنسلٹنٹ اور اکاؤنٹنٹ ہیں جو کیس سے متعلقہ ہیں،ٹیکس فارم چیئرمین پی ٹی آئی خود نہیں بھرتے بلکہ اپنے ٹیکس کنسلٹنٹ کو دستاویزات فراہم کرتے ہیں۔ ٹرائل کورٹ کے جج نے کہا کہ آج حتمی دلائل سن کر فیصلہ کریں گے، وہ ابھی بھی اس کورٹ کے آرڈر کا انتظار کر رہے ہیں،چیف جسٹس نے کہا کہ میں دیکھ لیتا ہوں ایک ڈویژن بنچ میں بھی سماعت کرنی ہے