حکومت کا پیمرا ترمیمی بل 2023 واپس لینے کا اعلان

 وزیراطلاعات نے پیمرا ترمیمی بل واپس لینے کااعلان کردیا۔ مریم اورنگزیب نے ینیٹ قائمہ کمیٹی کے اجلاس کے دوران بل واپس لینے کا اعلان کیا۔

انہوں نے کہاکہ پیمرا کے پرانے سیاہ قانون کو ختم کرنا چاہتے تھے۔ مخلصانہ سوچ اور بڑی محنت سے یہ بل تیار کیا تھا، بعض شقوں کے حوالے سے سامنے آنے والے تحفظات کا احترام کرتے ہیں۔ کمیٹی ارکان اورصحافیوں نے بل واپس لینے کے فیصلے پرنظرثانی کرنے کی رائے دی ۔

مریم اورنگزیب کا مزید کہنا تھا کہ میڈیا کے ساتھ مل کر ہمیشہ جبر،فسطایئت اورآمریت کیخلاف جدوجہد کی، آئینی اورجمہوری سوچ پر نہ کوئی سمجھوتہ کیا نہ کرسکتے ہیں۔

دو روزقبل سینیٹ میں بھی پیمرا ترمیمی بل پیش کیے جانے کے موقع پراپویشن کی جانب سے شدید تنقید کی گئی تھی۔