دیکھنا ہو گا کہ نگران سیٹ اپ جانبدار ہو گا کہ غیر جانبدار،شاہ محمود قریشی

پاکستان تحریک انصاف کے وائس چیئرمین شاہ محمود قریشی نے کہا ہے کہ دیکھنا ہو گا کہ نگران سیٹ اپ جانبدار ہو گا کہ غیر جانبدار ہو گا، انوار الحق کاکڑ پی ڈی ایم کی پالیسی پر چلتے ہیں یا کسی اور کی۔

شاہ محمود قریشی نے کہا ہے کہ انوارالحق کاکڑ پر شفاف انتخابات کی ذمہ داری ہے،توقع ہے کہ وہ آئین کی پاسداری کریں گے۔ انوار الحق کی بطور نگران وزیر اعظم نامزدگی سے پی ڈی ایم کی بڑی جماعتوں کی خواہش پوری نہیں ہوئی ہے۔ انہوں نے کہا کہ دبئِ اور پاکستان میں تشستیں ہوئی، تقرری سے پی ڈی ایم کے ارمانوں پر اوس پر گئ ہے۔

وائس چیئرمین کا کہنا تھا کہ ہم چیئرمین پی ٹی آئی کی سزا کو چیلنج کریں گے، انہوں نے کور کمیٹی بنائی ہے وہ معاملات دیکھے گی،نگران وزیر اعظم سے ملاقات کا فیصلہ بھی کور کمیٹی کرے گی۔