پاکستان میں پیٹرول کی قیمت میں 40 روپے فی لیٹر کمی

اسلام آباد: حکومت نے آئندہ 15 روز کے لیے پیٹرولیم مصنوعات کی قیمتوں میں بڑی کمی کا اعلان کردیا۔

وفاقی وزارت خزانہ کی جانب سے جاری نوٹیفکیشن کے مطابق پیٹرول کی قیمت میں 40 روپے کمی کی گئی ہے جس کے بعد نئی قیمت 283 روپے 83 پیسے فی لیٹر ہو گی۔

ہائی اسپیڈ ڈیزل کی قیمت میں 15 روپے کمی کے بعد نئی قیمت 303 روپے 18 پیسے فی لیٹر مقرر کی گئی ہے۔

اس کے علاوہ مٹی کے تیل کی نئی قیمت 214.85 روپے ہو گی اور نئی قیمتوں کا اطلاق آج (پیر) دن 12 بجے سے ہو گیا ہے، دوسری جانب پیٹرول پر 60 روپے فی لیٹر لیوی اور 22 روپے کسٹم ڈیوٹی کی اطلاع ہے۔

تفصیلات کے مطابق ہائی سپیڈ ڈیزل پر 50 روپے فی لیٹر اور کسٹم ڈیوٹی 23 روپے فی لیٹر برقرار ہے۔