شاہ محمود قریشی کا سائفر کیس میں ضمانت کےلئے سپریم کورٹ سے رجوع

پاکستان تحریک انصاف کے وائس چیئرمین شاہ محمود نے سائفر کیس میں ضمانت کیلئے سپریم کورٹ سے رجوع کر لیا۔ شاہ محمود قریشی نے ضمانت مسترد کرنے کا فیصلہ سپریم کورٹ میں چیلنج کر دیا، درخواست شاہ محمود قریشی کے وکیل بیرسٹر علی بخاری کی جانب سے دائر کی گئی۔

سابق وزیر خارجہ شاہ محمود قریشی نے سائفر کیس میں ضمانت بعد از گرفتاری کی درخواست عدالت عظمیٰ میں دائر کی جس میں وفاقی حکومت اور وزارت داخلہ کو فریق بنایا گیا ہے۔

درخواست میں مؤقف اختیار کیا گیا ہے کہ درخواست گزار کیخلاف بے بنیاد اور سیاسی مقدمہ بنایا گیا ہے۔سائفر کیس میں درج ایف آئی آر میں قانونی تقاضوں کر مدر نظر نہیں رکھا گیا،

شاہ محمود قریشی نے درخواست میں استدعا کی ہے کہ اسلام آباد ہائیکورٹ نے حقائق کا درست جائزہ نہیں لیا لہٰذا ہائیکورٹ کا 8 نومبرکا فیصلہ کالعدم قرار دیا جائے۔