خدیجہ شاہ کے خلاف منی لانڈنگ ایکٹ کے تحت تحقیقات کا آغاز

وفاقی تحقیقاتی ادارے(ایف آئی اے) نے خدیجہ شاہ کیخلاف منی لانڈرنگ ایکٹ کے تحت تحقیقات کا آغاز کر دیا۔

ایف آئی اے ذرائع کا کہنا ہے کہ خدیجہ شاہ کے بینک اکاؤنٹ میں کروڑوں روپے کی مشکوک ٹرانزیکشن ہوئی ہیں،ایف آئی اے نے بینک اکاؤنٹ کی تفصیلات کیلئے متعلقہ بینکوں سے تفصیلات مانگ لیں،

ایف آئی اے نے اینٹی منی لانڈرنگ ایکٹ کے تحت تحقیقات کا آغاز کر دیا ہے اور ساتھ ہی بنک اکاونٹ کی تفصیلات کی فراہمی کیلئے متعلقہ محکموں کو خط لکھ دیے ہیں۔

ذرائع ایف آئی اے کاکہنا ہے کہ تمام ریکارڈ آنے کے بعد خدیجہ شاہ سےپوچھ گچھ کی جائے گی، خدیجہ شاہ سے جیل میں انوسٹی گیشن کی جائے گی جبکہ بینک میں ہونے والی بیرون ملک ٹرانزیکشنز کے حوالے بھی سوالات پوچھے جائیں گے۔