سعودی عرب میں الیکٹرانک گاڑیاں بنانے والی امریکی کمپنی لوسیڈنے 800 الیکٹرانک کاریں اسمبل کر دیں

لندن: سعودی عرب میں الیکٹرانک گاڑیاں بنانے والی امریکی کمپنی لوسیڈنے 800 الیکٹرانک کاریں اسمبل کر دیں ہیں۔

برطانوی خبر رساں ادارے روئٹرز کے مطابق امریکی ریاست کیلیفورنیا میں قائم لوسیڈ کار مینوفیکچرنگ کمپنی کے مشرق وسطیٰ کے مینجنگ ڈائریکٹر نے میڈیا سے گفتگو میں بتایا کہ کمپنی نے امریکا سے باہر اپنے پہلے پلانٹ کا افتتاح ستمبر میں کیا تھا۔

انہوں نے کہا کہ کنگ عبداللہ اکنامک سٹی میں لگائے گئے اس پلانٹ میں ایک سال کے اندر 5000 الیکٹرک گاڑیاں تیار کرنے کی ابتدائی صلاحیت موجود ہے۔

لوسیڈ کمپنی کے ڈپٹی چیئرمین فیصل سلطان نے کہا کہ الیکٹرک کار مکمل طور پر ایریزونا میں تیار ہوتی ہے اور پھر ڈی اسمبل کر کے مملکت کے پلانٹ پر پہنچتی ہے جہاں اسے دوبارہ اسمبل کیا جاتا ہے۔

انہوں نے کہا کہ جدہ کے قریب کنگ عبداللہ اکنامک سٹی میں قائم کی گئی فیکٹری میں کارکن گاڑی کو مکمل طور پر اسمبل کرنے کے بعد بیٹری کو دوبارہ جوڑتے ہیں، ٹائر دوبارہ لگاتے ہیں اور گاڑی کی دوبارہ سے مکمل جانچ کی جاتی ہے۔