آئی ایم ایف کا یوکرین کو 88 کروڑ ڈالر کی فراہمی کا معاہدہ

ٹوکیو: آئی ایم ایف کا یوکرین کو 88 کروڑ ڈالر کی فراہمی کا معاہدہ کیا ہے، جاپانی خبررساں ادارے این ایچ کے، کے مطابق بین الاقوامی مالیاتی فنڈ کے عہدیداروں نے یوکرین کی مدد کے پروگرام کے ایک حصے کے طور پر یوکرینی حکام کے ساتھ تقریباً 88 کروڑ ڈالر کی رقم جاری کرنے کا معاہدہ کیا ہے۔

ادارے نے یوکرین میں بنیادی ڈھانچے کی تعمیرِ نو اور اقتصادی بحالی کے فروغ میں مدد کے لیے گزشتہ سال مارچ میں 15.6 ارب ڈالر کے پروگرام کی منظوری دی تھی۔فنڈز کی وصولی کے لیے یوکرین کو بدعنوانی کے سدباب کے لیے ادارہ جاتی اصلاحات جیسی مختلف شرائط پوری کرنا ہوں گی۔ حتمی فیصلہ آئی ایم ایف کا انتظامی بورڈ کرے گا۔