غیرملکی دوست نے نواز شریف کو کہا ، حکومت گرانے کیلئے جو چاہیئے ملے گا،عارف حمید بھٹی

جی این این کے پروگرام " خبر ہے " میں گفتگو کرتے ہوئے سینئر صحافی و تجزیہ کار عارف حمید بھٹی نے کہا کہ  مریم نواز کل پی ڈی ایم کے اجلاس سے پہلے مولانا فضل الرحمان سے ملنے گئیں ۔ پی ڈی ایم کے سربراہ مولانا فضل الرحمان نے شرط رکھی ہے ، آپ کے والد نے آپ کو تو کہہ دیا ہے، مجھے بھی تو کچھ ملے۔آپ نے پہلے بھی مجھے استعمال کیا تھا اور مجھے اب بھی استعمال کیا جا رہا ہے۔مولانا فضل الرحمان نے کہا کہ  اگر آپ لو  گ میرے ساتھ اتنے ہی  مخلص ہیں  حکومت کے خاتمے کیلئے تو استعفے کیوں نہیں دیتے۔مریم نواز نے یقین دہانی کرانے کی کوشش کی کہ ہم تیار ہیں لیکن پیپلزپارٹی رکاوٹ ہے۔

مولانا فضل الرحمان نے مریم نواز کو کہا ہے کہ مجھے اب استعمال کیا جارہا ہے، عارف حمید بھٹی @arifhameed15 @saeed_qazi @tahirmalikpak @MaryamNSharif @pmln_org @PTIofficial #KhabarHai #GNN pic.twitter.com/WNe7JDRikK

— GNN (@gnnhdofficial) February 4, 2021

سینئر صحافی عارف حمید بھٹی کا پروگرام میں کہنا تھا کہ  میری اطلاع کے مطابق ملاقات میں یہ فیصلہ ہوا تھا کہ پیپلزپارٹی پر اتنا پریشر ڈالا جائے  یا پی ڈیم کا اتحاد چھوڑ جائے  یا  کم از کم  یہ کہہ دے کہ سینیٹ الیکشن کے بعد مارچ یا اپریل میں فیصلہ کریں گے۔ عارف حمید بھٹی نے بتایا کہ  کہ  نواز شریف کو ایک  غیر ملکی دوست نے کہا ہے کہ اگر آپ حکومت گرانے کی پوزیشن میں ہیں تو  جو آپ کو چاہیئے ملے گا اور یہی پیغام مولانا فضل الرحمان کو پہنچ گیا ہے۔