9 مئی کروانے والے قومی مجرم ہیں ، ہمارے پاس سب کے خلاف ثبوت موجود ہیں، علی امین گنڈا پور

وزیر اعلیٰ خیبر پختونخوا علی امین گنڈاپور نے کہا ہے کہ آج بانی پی ٹی آئی کی ساری باتیں سچ ہو رہی ہیں، 9مئی کو ایک سال ہو گیا، ہم بانی پی ٹی آئی کی وجہ سے چپ ہیں۔

انہوں  نے جلسے سے خطاب کرتے ہوئے کہا کہ ہم سے ٹیبل پر بیٹھ کر بات کی جائے اگر ہم جھوٹے نکلے تو سب کا جھوٹ میں اپنے اوپر لوں گا اور مجھے جو چاہے سزا دی جائے ۔ 

علی امین گنڈاپور نے مزید کہا کہ اگر ہم بے قصور ہیں تو ہم سے معافی کون مانگے گا؟ ہم کہتے ہیں 9 مئی یوم سیاہ ہے جنہوں نے یہ کیا وہ قوم کے مجرم ہیں، ہماری لیڈر شپ جیل میں ہے ،خان  ہماری جنگ لڑ رہا ہے، ہمارے پاس سب کے خلاف ثبوت موجود ہیں۔