تجارت
ڈالر کے مقابلے میں پاکستانی روپیہ مستحکم
اوپن مارکیٹ میں روپیہ ڈالر کے مقابلے میں 0.13 روپے کی کمی سے 280.25 روپے پر طے ہوا
کراچی: انٹربینک مارکیٹ میں جمعرات کو ڈالر کے مقابلے پاکستانی روپے کی قدر میں دو پیسے کا اضافہ ہوا۔
اسٹیٹ بینک آف پاکستان کے مطابق مقامی یونٹ گرین بیک کے مقابلے میں دو پیسے اضافے کے بعد 278.61 پر بند ہوا۔
اوپن مارکیٹ میں روپیہ ڈالر کے مقابلے میں 0.13 روپے کی کمی سے 280.25 روپے پر طے ہوا۔
پاکستان
کینیڈا میں پی آئی اے کا ایک اور فضائی میزبان سلپ
نور شیر پاکستان سے کینیڈا ٹورنٹو کی پرواز نمبر پی کے 781 پرتعینات 16 رکنی فضائی میزبانوں کی ٹیم میں شا مل تھا
پاکستان انٹرنیشنل ایئرلائنز (پی آئی اے) کا ایک اور فضائی میزبان کینیڈا میں سلپ ہوگیا، چند ماہ کےد وران ٹورنٹو پروازوں پر تعینات 14فضائی میزبان سلپ ہوچکے۔
ذرائع کے مطابق پی آئی اے کے ٹورنٹو سیکٹر پر فضائی میزبانوں کے مبینہ لاپتا ہونے کا سلسلہ نہیں تھم سکا۔ ایک اور فضائی میزبان ٹورنٹو پہنچ کر مبینہ طور سے لاپتا ہوگیا۔ نور شیر پاکستان سے کینیڈا ٹورنٹو کی پرواز نمبر پی کے 781 پرتعینات 16 رکنی فضائی میزبانوں کی ٹیم میں شا مل تھا ۔
نور شیر کے لاپتا ہونے کا علم واپسی کی پرواز کے لیے رپورٹ نہ کرنے پر ہوا، جس کے بعد موجودہ فضائی میزبان سمیت پی آئی اے کے ٹورنٹو میں لاپتا مرد و خواتین فضائی میزبانوں کی تعداد 14 ہو گئی۔ لاپتا فضائی میزبانوں نے کینیڈا میں مبینہ اسائلم کے لیے اپلائی کر رکھا ہے۔
واضح رہے کہ ٹورنٹو پرواز پر تعینات عملے کے پاسپورٹ حکام کے پاس جمع کرائے جاتے ہیں تاہم یہ اقدام بھی فضائی میزبانوں کو سلپ ہوجانے سے روکنے میں کارگر ثابت نہ ہوسکا۔
یاد رہے کہ چند ماہ کےد وران ٹورنٹو پروازوں پر تعینات 14 فضائی میزبان سلپ ہوچکےہیں۔ ٹورنٹو پرواز پر تعینات پی آئی اے کا ایک اور فضائی میزبان ہوٹل چھوڑ کرغائب ہوگیاتھا، 29 فروری کو پی آئی اے کی پرواز نمبر 782 پر تعینات فضائی میزبان واپسی کے لیے ڈیوٹی پر نہیں پہنچا۔
پاکستان
عزم استحکام آپریشن کی حمایت کرتا ہوں، گورنر خیبر پختونخواہ
میڈیا سے گفتگو کرتے ہوئے گورنر خیبر پختونخوا فیصل کریم کنڈی نے کہا کہ جن لوگوں نے دہشت گردوں کی حمایت کی، ان کے خلاف بھی کارروائی ہونی چاہیے
پشاور: گورنر خیبر پختونخوا نے کہا ہے کہ عزم استحکام آپریشن کی حمایت کرتا ہوں۔
گورنر خیبر پختون خوا فیصل کریم کنڈی پشاور میں اے این پی کے باچا خان مرکز پہنچ گئے۔ گورنر نے اے این پی کی اعلی قیادت سے ملاقات کی جس میں سیکیورٹی و سیاسی معاملات پر بات چیت کی گئی۔
میڈیا سے گفتگو کرتے ہوئے گورنر خیبر پختونخوا فیصل کریم کنڈی نے کہا کہ جن لوگوں نے دہشت گردوں کی حمایت کی، ان کے خلاف بھی کارروائی ہونی چاہیے، بہتر ہوتا کہ آپریشن کے حوالے سے سیاسی جماعتوں کو آن بورڈ لیا جاتا۔
دنیا
وکی لیکس کے بانی کی امریکہ سے ڈیل ، ضمانت پر رہائی مل گئی
امریکہ نے برطانوی حکام کو بانی وکی لیکس کی حوالگی کے حوالے سے درخواست دی تھی، جس کے خلاف جولین اسانج نے برطانیہ میں مقدمہ دائر کر رکھا تھا
وکی لیکس کے بانی جولیان اسانج کو آزادی مل گئی، جولیان اسانج بیلمارش جیل میں قید تھے۔
غیر ملکی میڈیا کے مطابق وکی لیکس کے بانی جولیان اسانج کو لندن کی ہائی کورٹ نے ضمانت پر رہائی دیدی ہے جس کے بعد وہ برطانیہ سے روانہ ہوگئے، اسانج نے رہائی کے بدلے امریکی محکمہ انصاف سے اعتراف جرم پر آمادگی کی ڈیل کرلی ہے۔
امریکہ نے برطانوی حکام کو بانی وکی لیکس کی حوالگی کے حوالے سے درخواست دی تھی، جس کے خلاف جولین اسانج نے برطانیہ میں مقدمہ دائر کر رکھا تھا۔
جولیان اسانج کی رہائی سے متعلق سماجی رابطوں کی ویب سائٹ ایکس پر اپنے بیان میں وکی لیکس کا کہنا تھا کہ اسانج کی رہائی پریس کی آزادی کیلئے کام کرنے والے لوگوں، مختلف ممالک کے سیاسی رہنماؤں سمیت قانون دانوں اور اقوام متحدہ کی مہم کا نتیجہ ہے۔
یاد رہے کہ جولین اسانج پر الزام تھا کہ انہوں نے 2010 اور 2011 میں ہزاروں امریکی خفیہ دستاویزات کو شائع کیا جو ’وکی لیکس فائل‘ کے نام سے مشہور ہوئے اور ان فائلز کے ذریعے عراق اور افغانستان جنگ کے بارے میں اہم معلومات تھیں جس سے کئی زندگیوں کو خطرے میں ڈالا گیا۔
بانی وکی لیکس گزشتہ 5 برس سے برطانیہ کی جیل میں قید تھے اور وہ امریکا حوالگی کے خلاف قانونی جنگ لڑرہے تھے۔
-
علاقائی 15 گھنٹے پہلے
کراچی : ہیٹ اسٹروک سے دو افراد ہلاک
-
پاکستان ایک دن پہلے
پاکستان تحریک انصاف کی کسی بھی ملٹری آپریشن کی مخالفت
-
تفریح 2 دن پہلے
ثانیہ مرزا مستقبل میں کس سے شادی کی خواہاں ہیں ؟
-
پاکستان 2 دن پہلے
نامناسب الفاظ کی ادائیگی پر ثناء اللہ مستی خیل کی اسمبلی رکنیت بجٹ سیشن تک معطل
-
پاکستان ایک دن پہلے
پی ڈی ایم اے نے پنجاب میں مون سون ہواؤں کی پیش گوئی کردی
-
پاکستان 22 گھنٹے پہلے
عدالت نے الیکشن کمیشن کا ٹریبونل کی تبدیلی کا فیصلہ معطل
-
دنیا ایک دن پہلے
وینزویلا کے ساحل کے قریب 6.2 شدت کا زلزلہ
-
پاکستان 17 گھنٹے پہلے
ایپکس کمیٹی کے اجلاس میں کسی قسم کے آپریشن کا ذکر نہیں ہوا، وزیر اعلیٰ کے پی