کار کی موٹر سائیکل کو ٹکر، 5 افراد جاں بحق، ایک زخمی

فاروق آباد میں پنڈور گاؤں کے قریب کار کی موٹر سائیکل کو ٹکر سے 5 افراد جاں بحق اور ایک شخص شدید زخمی ہوگیا۔

ریسکیو حکام کا کہنا ہے کہ حادثہ فاروق آباد میں تیز رفتاری کے باعث پیش آیا، حادثے میں ایک لڑکی بھی زخمی ہوئی۔ ریسکیو حکام کے مطابق جاں بحق ہونے والوں میں والد، 2 بیٹے اور 2 بیٹیاں شامل ہیں جبکہ بھانجی زخمی ہوئی۔

حادثے میں جاں بحق افراد میں 26 سالہ شہزاد،12سالہ فیضان،10سالہ فضا، 8سالہ مہک، 6سالہ شہزاد شامل ہیں۔ جاں بحق افراد چونگی امرسدھو کے رہائشی تھے۔

زخمی بچی کی شناخت 15سالہ نور کے نام سے ہوئی جو شیخوپورہ کی رہائشی ہے۔ حادثہ تیز رفتاری کے باعث پیش آیا۔ امدادی ٹیموں نے جاں بحق افراد کی لاشوں کو پولیس کے حوالے کر دیا۔