یوکرین میں روسی میزائل حملے، 36 افراد ہلاک ،100 سے زائد زخمی

یوکرین کے چلڈرن ہسپتال پر روس کے میزائل حملوں میں 36 افراد ہلاک اور 100 سے زائد زخمی ہوگئے۔

غیر ملکی خبر رساں ادارے  کے مطابق روس کی جانب سے یوکرین کے شہری علاقوں پر تازہ میزائل حملوں میں کیف میں ایک بچوں کا ہسپتال بری طرح متاثر ہوا ہے۔

یوکرینی حکام کا کہنا ہے کہ ہسپتال پر حملے میں 2 افراد ہلاک ہوئے ہیں جبکہ عمارت کو شدید نقصان پہنچا ہے۔

چلڈرن ہسپتال کی ایک ڈاکٹر نے بی بی سی کو بتایا کہ ہسپتال کا ایک حصہ تباہ ہو گیا اور دوسرے میں آگ لگ گئی ہے۔

یوکرینی صدر ولادیمیر زیلنسکی کے چیف آف اسٹاف کا کہنا ہے کہ روس کی جانب سے شہری علاقوں پر کیے گئے حملوں میں مجموعی طور پر 36 افراد ہلاک اور 140 زخمی ہوئے۔

دوسری جانب روس نے اسپتال کو نشانہ بنانے کی تردید کی ہے۔

ادھر روسی حملوں پر اقوام متحدہ کی سلامتی کونسل نے ہنگامی اجلاس طلب کرلیا ہے ، اجلاس امریکا اور یورپی ممالک کی درخواست پر طلب کیا گیا۔