بھارت میں ضلع کٹھووہ میں تلاشی اور محاصرے میں 50 افراد گرفتار

بھارت کے غیر قانونی زیرقبضہ جموں و کشمیر میں بھارتی فوجیوں نے ضلع کٹھووہ میں تلاشی اور محاصرے کی کارروائیوں میں پچاس سے زیادہ افراد کو گرفتار کرلیا۔

یہ کارروائیاں اودھم پور، ڈوڈا، راجوڑی، پونچھ، سامبا اوربہادرواہ کے علاقوں میں بھی جاری ہیں جن کی وجہ سے مقامی آبادی میں خوف و ہراس کی فضا پھیل رہی ہے۔

 نیشنل کانفرنس کے صدر عمر عبداللہ نے آرٹیکل370 اور35 اے منسوخ کرنے پر مودی حکومت کو تنقید کا نشانہ بنایا ہے۔ سرینگر میں پریس کانفرنس سے خطاب کرتے ہوئے انہوں نے کہا موجودہ صورتحال ثابت کرتی ہے کہ وہ غافل ہے اور اپنے کام پر توجہ نہیں دے رہی۔