سونے کی قیمت میں 3 روز مسلسل کمی کے بعد ایک بار پھر اضافہ

ملک بھر میں سونے کی قیمت میں 3 روز سے مسلسل کمی کے بعد ایک بار پھر اضافہ ہوگیا۔

آل پاکستان جیمز اینڈ جیولرز ایسوسی ایشن کے مطابق بدھ کے روز سونے کی فی تولہ قیمت میں 1000 روپے کا اضافہ ریکارڈ کیا گیا اور فی تولہ قیمت 2 لاکھ 75 ہزار 900 روپے کی سطح پر پہنچ گئی۔

جبکہ 10 گرام سونے کی قیمت میں 858 روپے کا اضافہ ہوا جس کے بعد نئی قیمت 2 لاکھ 36 ہزار 540 روپے ہوگئی۔

دوسری جانب عالمی منڈی میں سونے کی قیمت میں 10 ڈالر کا اضافہ ہوا نئی قیمت 2647 ڈالر فی اونس ہوگئی۔

واضح رہے کہ گزشتہ روز ملک میں 24 گرام  سونے کی فی تولہ قیمت 2 ہزار ایک سو روپے کی کمی  ہوئی تھی جس کے بعد فی تولہ سونے کی نئی قیمت 2 لاکھ 74 ہزار 900 روپے ہو گئی ہے۔