صومالیہ میں امریکی فورسز کے فضائی حملے ، داعش کے متعدد دہشتگرد ہلاک

صومالیہ میں امریکی فورسز کےفضائی حملوں میں داعش کے متعدد دہشتگرد ہلاک ہوگئے۔
عالمی میڈیا کے مطابق امریکی صدر ڈونلڈ ٹرمپ کا کہنا ہے کہ انہوں نے امریکی فورسز کو صومالیہ میں فضائی حملے کرکے داعش کو ہلاک کرنے کا حکم دیا تھا۔
امریکی صدرڈونلڈ ٹرمپ کا کہنا ہے کہ امریکی فورسز نے حملے کرکے داعش کے متعدد دہشگردوں کو ہلاک کردیا ہے جو غاروں میں چھپے ہوئے تھے،ان کا کہنا تھا کہ داعش کے دہشتگرد امریکا سمیت اس کے اتحادیوں پر حملے کرنے کی دھمکیاں دیتے تھے، اور اس حملے میں بغیر کسی شہری کو نقصان پہنچائے دہشتگروں کے ٹھکانے کو ختم کر دیا گیا ہے۔
دوسری جانب صومالیہ کی حکومت کی جانب سے بھی سوشل میڈیا پر ایک پوسٹ کے ذریعے بتایا گیا کہ امریکا نے ملک کے شمالی علاقوں میں داعش پر حملہ کرنے کے حوالے سے پہلے ہی آگاہ کر دیا تھا۔