مسلسل اضافے کے بعد سونا ہزاروں روپےسستا ،فی تولہ قیمت کتنے کا ہو گیا؟

کراچی: سونے کی قیمتوں میں جاری مسلسل اضافہ رک گیا، عالمی و مقامی مارکیٹوں میں سونا کی قیمت میںنمایاں کمی ہو گئی
آل پاکستان جیمز اینڈ جیولرزا یسوسی ایشن کے مطابق آج سونے فی تولہ نرخ میں 3300 روپے کی کمی ہوئی ہے جس کے بعد24 گرام سونے کی فی تولہ قیمت 3 لاکھ 3 ہزار روپے ہو گئی۔
اسی طرح 10گرام سونے کی قیمت میں 2829 روپے کی کمی ہوئی جس کے بعد دس گرام سونا 2 لاکھ 59 ہزار 773 روپے کی سطح پر پہنچ گیا۔
دوسری جانب عالمی مارکیٹ میں فی اونس سونے کہ قیمت میں29  ڈالرکی کمی ہوئی ہے جس کے بعد عالمی مارکیٹ میں سونے کی نئی قیمت  2887 ڈالر فی اونس کی سطح پر آگئی ہے۔
خیال رہے گزشتہ روز سونے کے نرخ میں 2400 روپے فی تولہ کمی ہوئی تھی، دو دن میں سونے کی قیمت میں پانچ ہزار سات سو روپے کی کمی ہوئی۔