وزیراعظم کا غزہ اور یوکرین میں دیرپا امن کے قیام کے لیے اجتماعی کوششوں پرزور

وزیراعظم محمد شہبازشریف نے غزہ اور یوکرین میں دیرپا امن کے قیام کے لیے اجتماعی کوششوں کی ضرورت پر زور دیا ہے۔

یہ بات انہوں نے اسلام آباد میں برطانوی ہائی کمشنر جین میریٹ سے بات چیت کرتے ہوئے کہی۔

وزیر اعظم نے شاہ چارلس سوم کے لئے نیک خواہشات اور جلد صحت یابی کی خواہش کی ، انہوں نے شاہ چارلس سوم کو پاکستان کا دورے کی دعوت کا اعادہ کیا۔

برطانوی ہائی کمشنر نے پاکستان کے ساتھ اپنے تعلقات کو مضبوط بنانے اور شراکت جاری رکھنے کے عزم کا اظہار کیا۔

وزیراعظم نے دونوں ممالک کے درمیان دوطرفہ تعلقات میں ہونے والی پیش رفت پر بھی اطمینان کا اظہار کیا۔